Depýtattardyń kásibı quzyrettilikterin arttyrýǵa baǵyttalǵan tıptik baǵdarlama ázirlendi - Erlan Ábil

<p>ASTANA. KAZINFORM &ndash; 3 qazanda Prezıdent Qasym-Jomart Toqaev barlyq deńgeıdegi máslıhattar depýtattarynyń ІІ respýblıkalyq forýmynda sóılegen sózinde bilimine biligi saı depýtattar jergilikti bıliktiń nátıjeli jumysynyń negizi bolyp tabylatynyn atap ótti.</p>

Prezıdent óz sózinde depýtattar josparly túrde bilim alyp, bilitiligin arttyrýy kerektigin aıtty. 

«2022 jyldyń sáýir aıynda QR Prezıdentiniń janyndaǵy Memlekettik basqarý akademııasy Eýropadaǵy qaýipsizdik jáne yntymaqtastyq jónindegi uıymymen birlesip barlyq deńgeıdegi depýtattardyń kásibı quzyrettilikterin arttyrýǵa baǵyttalǵan tıptik baǵdarlama ázirledi.

Baǵdarlamany akademııa fılıaldary elimizdiń barlyq óńirinde júzege asyrdy. Oqytý baǵdarlamasynda zań shyǵarý qyzmeti, depýtattardyń jumysyn tıimdi uıymdastyrý, Qazaqstan Respýblıkasynyń strategııalyq jáne baǵdarlamalyq qujattarynyń arhıtetýrasy, sondaı-aq kópshilik aldynda sóıleý jáne krızıstik jaǵdaıdaǵy kommýnıkatsııalyq menedjmenttiń tehnologııalary, halyqpen tıimdi qarym-qatynas ornatý, bıýdjettik protsestiń zamanaýı tásilderi sııaqty mańyzdy taqyryptar qamtyldy», — dedi akademııa rektory Erlan Ábil.

Onyń dereginshe, 2022 jyldan bastap Astana qalasynan jáne basqa da óńirlerden 3000-ǵa jýyq máslıhat depýtaty akademııada jáne onyń fılıaldarynda oqydy.

Depýtattarǵa dáris oqýǵa akademııa ortalyq memlekettik jáne jergilikti atqarýshy organdardyń jetekshi sarapshy-praktık mamandaryn tartady. Mamandar ózderiniń kásibı tájirıbelerimen, bilimderimen, zamanaýı tehnologııalarmen bólisip, máslıhat depýtattaryna jurtshylyqpen tıimdi kommýnıkatsııa ornatýdyń zamanaýı tásilderin meńgerýge kómektesedi.

«Prezıdent partııalardy depýtattaryn oqytýdy belsendi qoldaýǵa jáne ózekti máselelerdi sheshýge joǵary deńgeıdegi kásibılik pen daıyndyqty qamtamasyz etý úshin QR Prezıdentiniń janyndaǵy Memlekettik basqarý akademııasymen yntymaqtastyq ornatýǵa shaqyrdy. Sózin qorytyndylaı kele, Memleket basshysy birlesken jumys depýtattyq qyzmettiń joǵary standarttaryn qalyptastyrýǵa jáne halyqpen tikeleı baılanysty jaqsartýǵa kómektesetinine senim bildirdi», — dep atap ótti rektor.

Ol QR Prezıdentiniń janyndaǵy Memlekettik basqarý akademııasy Memleket basshysy qoıǵan mindetterdiń mańyzdylyǵyn eskere otyryp, máslıhat depýtattarynyń biliktiligin arttyrý boıynsha semınarlardy sapaly uıymdastyrýǵa jáne ótkizýge úles qosýǵa daıyn ekenin de jetkizdi.

Eske salaıyq, keshe Memleket basshysy Qasym-Jomart Toqaev elordada máslıhat depýtattarynyń ІІ respýblıkalyq forýmynda sóz sóıledi.