Depýtattar Bas prokýrordan Jaıyqtaǵy balyqtyń qyrylýyn baqylaýdy surady

ASTANA. QazAqparat - Májilis depýtattary QR Bas prokýrory Qaırat Qojamjarovtan Jaıyqtaǵy balyqtyń qyrylýy oqıǵasyn tergeýdi jeke baqylaýyna alýdy surady, dep habarlaıdy QazAqpart.

«Ózendi óli balyqtan tyńǵylyqty tazartý qajettigi ózekti bolyp tur. ıAǵnı ekologııalyq júıege aýyr zardap keltirmes úshin tıisti sharalardy iske asyrý kerek», - dedi depýtat Artýr Platonov Májilistiń jalpy otyrysynda.

«QR AShM Veterınarlyq qadaǵalaý jáne baqylaý komıtetiniń laboratorııalyq zertteý nátıjesi negizinde, balyqtardyń qyrylýyna ammıaktyń ýytty áseri sebep bolǵan. Balyqtardy patologoanatomııalyq soıý kezinde de osy qorytyndy jasalyp otyr. Alaıda ol boljamnyń biri ǵana», - dedi A. Platonov.

Belgili bolǵandaı, balyqtyń qyrylýyna baılanysty eki qylmystyq is qozǵaldy. Osy oraıda kásiporyndarda jáne qaraýsyz ári apattyq ken oryndarda tekserý sharalary jalǵasýda.

«Alaıda osynsha uzaqqa sozylǵan tergeý amaldary boıynsha quzyrly organdar eshqandaı resmı qorytyndy men sebepterdi jarııa etpedi. Eger de naqty qorytyndy málim etilse, onda el arasynda túrli qaýesettiń taralýyna jol berilmes edi. Osy ýaqytqa deıin eń mańyzdy másele ashyq kúıinde qalyp otyr: ıAǵnı balyq qyrylǵan sýdy paıdalaný qanshalyqty qaýipsiz? Kún jylynǵannan keıin sý betine óli balyqtar qalqyp shyǵa keldi», - dedi depýtat.

Bul turǵyda ol atalǵan tergeý amaldary qatań baqylaýda bolýy kerektigin atap ótti.

«Joǵaryda atalǵandardy eskere otyryp, Jaıyqtaǵy balyqtyń qyrylýynyń naqty sebebin anyqtaý maqsatynda tergeý amaldaryn jeke baqylaýǵa alýdy suraımyz. Óıtkeni atalǵan oqıǵa saldarynan balyq popýlıatsııasyna orny tolmas zalal men materıaldyq shyǵyn keltirildi», - dedi Artýr Platonov QR Bas prokýroryna joldaǵan depýtattyq saýalynda.

Esterińizge sala keteıik, buǵan deıin Atyraý oblysynda balyqtyń qyrylǵany týraly birneshe aqparat jarııalaǵan bolatynbyz. Naqtyraq aıtqanda, ótken jyldyń jeltoqsan aıynyń basynda Atyraý qalasynyń syrtyndaǵy Peretask shaǵyn ózeninde balyqtardyń jappaı qyrylý oqıǵasy tirkelgen edi.

Arada apta ótpeı Atyraý oblysyndaǵy Jaıyq ózeninde balyqtardyń jappaı qyrylǵany anyqtalǵan.

Aıta keteıik, Atyraýda Jaıyq ózenin balyq ólekselerinen tazartý sharalary qolǵa alyndy.