Depýtattar almatylyq kásipkerlerdiń saýaldaryna jaýap berdi

  ALMATY. QazAqparat - Almatyda QR Májilis depýtattary, «Nur Otan» partııasy fraktsııasynyń músheleri Serik Seıdýmanov pen Erjan Qudaıbergenov almatylyq shaǵyn jáne orta bıznes ókilderimen kezdesti, dep habarlaıdy QazAqparat tilshisi.

Halyq qalaýlylary olarǵa QR Prezıdentiniń 5 áleýmettik bastama jobasynyń 4-bastamasy - shaǵyn nesıe berý týraly túsindirdiAtalǵan shara «Damý» kásipkerlikti qoldaý qorynyń  alańynda ótti.

Sondaı-aq, jıynǵa «Damý» kásipkerlikti qoldaý qory tóraǵasynyń orynbasary Ǵalym Nurǵazıev, «Nur Otan» partııasy Almaly aýdandyq bólimshesi basshysynyń birinshi orynbasary Naılıa Ordabaeva qatysty.

Jıyn barysynda halyq qalaýlylary kásipkerlerdiń alańdatqan saýaldaryna jaýap berip, kásipkerlerdi qoldaýdyń memlekettik baǵdarlamasyn júzege asyrylý protsesi týraly aıtty.

«Elbasy  jumyssyzdar men ózin jumyspen qamtyp júrgenderdiń arasynda jeńildikpen nesıe berý tetikteriniń tıimdiligin atap kórsetti. Bul bastamamen júzege asyrylsa, jumyssyzdar da, azdaǵan kásibi barlar da bıznesin odan ári damytyp, jańa jumys oryndaryn qura alady», - dedi S.Seıdýmanov.

 

«Biz QR Úkimetindegi jumys tobynyń usynǵan joldaryn qaraımyz.  Májilis depýtattary osy mehanızmderdi túsindirýdi maqsat etedi. Elbasy aıtqan máseleni halyq kútip otyr. Ásirese baspana máselesi -jalǵyz basty analar, áleýmettik turǵydan az qamtylǵan otbasylar úshin óte ózekti másele. Búgin kásipkerlerdiń nesıe alýda kezdesip jatqan qıynshylyqtaryn tyńdadyq. Óz kezegimizde ol suraqtardyń barlyǵyn Nur Otan partııasynyń fraktsııasyna usynatyn bolamyz», - dedi depýtat Erjan Qudaıbergenov.