Depýtat jekemenshik balabaqshalardaǵy pedagogtar jalaqysynyń tómendigine alańdaýly
«Mektepke deıingi jekemenshik mekemeler jelisiniń keńeıýi qoǵamdaǵy shıelenisti báseńdetip, balabaqshalardaǵy bos oryn máselesiniń ózektiligin tómendetti. Atalǵan jekemenshik ıeleri óz qarajattaryna ǵımaratty satyp alyp, onyń jóndeý jumystaryn jasaıdy, sonyń nátıjesinde memleket qazynasy qomaqty qarajatty únemdep, salyq salynatyn negiz kózi artady. Jańa jumys oryndary ashylyp, azamattarymyz sapaly qyzmet alady. Sol sebepti memleket pen qoǵamǵa atalǵan salanyń mańyzdylyǵy erekshe bólek. Atalmysh salanyń odan ári damýy memlekettiń turaqty qamqorlyǵyn talap etedi. Bizdi bilim salasyndaǵy sheshimin tappaǵan jáne ózekti másele bolyp sanalatyn memlekettik tapsyrys aıasynda qarjylandyrylatyn jekemenshik balabaqshalardaǵy pedagogtar jalaqysynyń tómendigi mazalap otyr», - dedi depýtat.
Onyń aıtýynsha, aldaǵy 2 jyl ishindegi memlekettik tapsyrysta mektepke deıingi jeke menshik mekemelerde pedagogtardyń jalaqy deńgeıin kóterý qarastyrylmaǵan edi.
«Qazaqstan Respýblıkasynyń Bilim jáne ǵylym mınıstriniń mindetin atqarýshynyń 2020 jyldyń 20 qazanyndaǵy № 452 buıryǵymen «Qazaqstan Respýblıkasynyń Bilim jáne ǵylym mınıstriniń 2017 jyldyń 27 qarashasyndaǵy № 597 «Mektepke deıingi tárbıe men oqytýdyń, orta, tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi kredıttik tehnologııamen bilim berýdiń jan basyna shaqqandaǵy normatıvtik qarjylandyrý Ádistemesin bekitý týraly» buıryǵyna ózgertýler engizý arqyly, atalǵan Ádistemege ózgertýler engizilgen.
Mektepke deıingi bilim berý isine baılanysty Ádistemede tómendegi eskerilgen:
1. 2019 jyldyń 1 qańtarynan jáne 1 maýsymynan bastap ósýin eskere otyryp, laýazymdyq jalaqyny esepteý barysynda koeffıtsentterdiń ósýi;
2. Resmı jalaqyǵa túzetý koeffıtsentin 2020 jyly 25%, 2021 jyly 50%, 2022 jyly 75%, 2023 jyly 100% mólsherinde engizý;
3. Pedagogtardyń eńbek demalysynyń uzaqtyǵyn 56 kúntizbelik kúnge deıin arttyrý.
«Degenmen, atalǵan buıryq jergilikti mekenderde oryndalmaı otyr. Saldarynan jeke menshik balabaqshalarynyń pedagogtary óz eńbekteriniń adal tólem aqysyn ala almaı otyr. QR «Bilim týraly» Zańynyń 6 baby 3 tarmaǵynyń 7-1 tarmaqshasy jáne 2 tarmaǵynyń 7-3 tarmaqshasyna sáıkes, jergilikti atqarýshy organdar mektepke deıingi tárbıe berý jáne oqytý isine memlekettik tapsyrysty bekitedi. Eger de jergilikti bıýdjette qarajat tapshylyǵy jaǵdaıynda jan basyna qarjylandyrý tetigin iske asyrý úshin respýblıkalyq bıýdjetten maqsatty aǵymdaǵy transfertter esebinen shyǵyndardy óteý qarastyrylǵan. Qazirgi ýaqytta ákimdikter bir balabaqsha tárbıelenýshisine jan basyna shaqqandaǵy normatıvtiń mólsherin erikti túrde anyqtaıdy, al bul belgilengen normatıvtiń ortasha mólsherinen edáýir tómen. Nátıjesinde jekemenshik balabaqshalar men pedagogter tıisti qarjyny ala almaı otyr. Kóptegen mamandar jumysynan aıyrylyp, mekemeler jabylýda», - dedi D. Nazarbaeva.
Depýtat joǵarydaǵyny eskere otyryp, oblystardaǵy memlekettik tapsyrystyń kólemi qalaı qalyptasatyny, jeke qarjylandyrý aıasynda bólingen qarajat jergilikti atqarýshy organdarmen is júzinde qaıda bólinetini, jergilikti atqarýshy organdardyń jeke qarjylandyrýdyń kólemin tómendetýge quqyǵynyń bar-joǵy týraly suraqtardy joldady.
«Aımaqtarda memlekettik tapsyrystyń qalyptasýy men onyń júzege asýyn kim baqylaıdy jáne qalaı júzege asyrady? Jergilikti bıýdjetterdiń jetispeıtin qarajatyn respýblıkalyq bıýdjetten óteý mehanızmi qandaı?», - dep surady D. Nazarbaeva Úkimet basshysynyń atyna joldaǵan depýtattyq saýalynda.