Depýtat jastarǵa jalǵa beriletin páter qurylysyn qarjylandyrýdy surady
«El basshylyǵy jastar saıasatyna, atap aıtqanda jastardy turǵyn úımen qamtamasyz etýge basa nazar aýdaryp keledi. Máselen, 2019 jyldan bastap Elbasynyń tapsyrmasy boıynsha jumys isteıtin jastarǵa neǵurlym suranysqa ıe mamandyqtar boıynsha Nur-Sultan, Almaty jáne Shymkent qalalarynda jaldamaly turǵyn úı beriledi. 2019-2020 jyldary jas mamandar men jas otbasylarǵa 4 myńǵa jýyq páter berildi. Bıyl Nur-Sultan, Almaty jáne Shymkent qalalarynda taǵy 3 myń páter beriledi», - dep toqtaldy depýtat.
Onyń aıtýynsha, «Nur Otan» partııasynyń «Ózgerister joly: ár azamatqa laıyqty ómir!» saılaýaldy baǵdarlamasyn oryndaý jónindegi Jol kartasyna sáıkes, Úkimet 2021-2025 jyldar aralyǵynda suranysqa ıe mamandyqtar boıynsha jumys isteıtin jastar úshin jyl saıynǵy negizde jalǵa beriletin páterler berýdi josparlap otyr.
«Sonymen qatar, turǵyn úı-kommýnaldyq damýdyń 2020-2025 jyldarǵa arnalǵan «Nurly jer» memlekettik baǵdarlamasyna sáıkes, 2022 jyldan bastap jumys isteıtin jastar úshin jalǵa beriletin páterler qurylysyn jyl saıyn qarjylandyrý qarastyrylmaǵan. Osyǵan baılanysty, memlekettik baǵdarlamaǵa jumys isteıtin jastar úshin jalǵa beriletin páterler qurylysyn qarjylandyrýdy 2025 jylǵa deıin uzartý bóliginde ózgerister engizý qajet dep sanaımyz», - dedi Aıgúl Nurkına.