Depýtat zeınetaqy jınaǵyn paıdalaný shegin tómendetýdi usyndy
«2013 jyly Biryńǵaı jınaqtyq zeınetaqy qory qurylǵan kezde onyń quzyryna búkil jekemenshik jınaqtaýshy qorlardyń shoty berilgen bolatyn. Sol arqyly bir jerge shoǵyrlanǵan zeınetaqy jınaǵyn basqarý tıimdi bola túsedi, al bir bóligi naqty ekonomıkaǵa nesıe retinde baǵyttalady dep kútilgen. 9 jyl ótkennen keıin eki maqsattyń da oryndalmaǵanyn ókinishpen aıtyp otyrmyz. 2021 jylǵy qazan aıynda BJZQ-nyń 12 aıdaǵy kiristiligi 7,5% boldy. Al ınflıatsııa 18%-dan asyp ketti. ıAǵnı, shynaıy kiristiligi teris mánde. Naqty ekonomıkany nesıeleý baǵytyn qarasaq, BJZQ uzaq merzimdi qarjylandyrý kózi bola almady. Zeınetaqy jınaqtary negizinen memlekettik oblıgatsııalarǵa, bankter men halyqaralyq qarjy uıymdarynyń baǵaly qaǵazdaryna salynǵan. Buǵan deıin de jınaqtyq zeınetaqy júıesiniń tıimsizidigi BJZQ-nyń naryqtaǵy monopolııasynan bolyp otyrǵanyn aıtqanmyn», - dedi Májilis ókili.
Sondaı-aq, ol BJZQ Prezıdent tapsyrmasyn oryndaýda aldamshy áreketke baryp otyr degen paıym aıtty.
«Eń qyzyǵy, BJZQ Prezıdent tapsyrmasyn sóz júzinde oryndaǵan bolyp shyǵady. ıAǵnı, zeınetaqy aktıvterin basqarýǵa 4 basqarýshy kompanııany tartqan. Olardyń senimgerlik basqarýyna 9 mlrd teńge berilgen. Bul – kúlkili soma, búkil zeınetaqy jınaǵynyń 1%-yna da jetpeıdi. Ol kompanııalardyń qazirgi ınvestıtsııalyq kórsetkishteri BJZQ kórsetkishterinen tómen. Shyn máninde, bular jeke menshik zeınetaqy qory emes, brokerlik kompanııalar», - dedi depýtat.
Májilismen Úkimetten Qarjy naryǵyn retteý jáne damytý agenttigimen birge zeınetaqy aktıvterin basqarýdy jeke zeınetaqy qorlaryna berý arqyly monopolııasyzdandyrýdy surap otyr.
«Zeınetaqy jınaǵynyń bir bóligin paıdalaný shegi kóterilgennen beri álemde teńdesi joq bul bastamanyń paıdasy joqqa teńesti. Ózge elder bizdiń osy tájirıbeni zerttep jatqany týraly málimet bar. Úkimetke zeınetaqy jınaǵyn paıdalaný shegin qaıta bir qaraý kerek dep esepteımin. Sondaı-aq, jeke zeınetaqy qorlaryn tartqan kezde de osy tájirıbeni eskerip, salymshylardy yntalandyratyn jańa paket ázirleý qajet. Mysaly, azamattarǵa jınaqtyń ınvestıtsııalyq kiristiligi ınflıatsııa deńgeıinen joǵary bolsa, bir bóligin sheship alýǵa múmkindik berý kerek», - dedi Amanjan Jamalov.
Foto: img77.uenicdn.com