Depýtat Ulttyq bankke ekonomıkany kredıtteýdi 3-4 paıyzǵa deıin tómendetýdi usyndy
«Menińshe, Qazaqstannyń Ulttyq banki ekonomıkany 3-4 paıyzben kredıtteý úshin bazalyq mólsherlemeni tómendetýge barlyq múmkindigi bar», - dedi Májilis depýtaty QR Premer-Mınıstri men Ulttyq bank tóraǵasyna joldaǵan saýalynda.
Osy rette ol Ulttyq qordyń qarajatyn paıdalanýdy shekteýge ári ony jınaqtaýǵa baǵyttalǵan QR Ulttyq qorynyń qarajatyn qalyptastyrý jáne paıdalaný tujyrymdamasyna túzetýler engizýdi, bıýdjettik jáne kvazıbıýdjettik ınvestıtsııalyq jobalardyń tıimdiligine baǵalaý júrgizýdi, Úkimetke Ulttyq bankpen birlesip, bıznes pen halyqqa 3-4 paıyzdyq mólsherlememen banktik kredıtteý baǵdarlamasyn ázirleýdi usyndy.
«Inflıatsııany tejegennen góri ekonomıkany qarjylandyrý barynsha basymdyq sanalady. Óıtkeni, Úkimet áleýmettik mańyzy bar taýarlar baǵasyn rettep otyr ǵoı. Al halyqtyń tabysy az toptary úshin áleýmettik tólemder ındekstelýi múmkin. Salystyrý úshin aıtar bolsa, Reseı bank barynsha batyl áreket etip, baǵa ósiminiń barlyq táýekelderine qaramastan negizgi mólsherlemeni 5,5 paıyzǵa deıin tómendetti», - dedi Amanjan Jamalov.