Depýtat Talǵardaǵy oqıǵa týraly: Dárigerlerdiń mártebesi týraly zań kerek

<p>Májilis depýtaty Gúldara Nurymova Talǵarda dárigerlerdiń soqqyǵa jyǵylýyna baılanysty Premer-Mınıstrdiń orynbasary Tamara Dúıesnovanyń atyna depýtattyq saýal joldady, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

«Keshe Talǵar aýdandyq ortalyq aýrýhanasynyń jansaqtaý bólimshesinde reanımatolog-anestezıolog pen meıirgerdi qaıtys bolǵan naýqastyń uldary soqqyǵa jyqty. Biz medıtsına qyzmetkerine zábir kórsetken bul óreskel faktige jol joq dep esepteımiz. Qatygez kúsh kórsetý áreketiniń kesirinen medıtsına qyzmetkerleri ómirine qaýip tóndiretin aýyr jaraqat aldy – bas súıegi jabyq túrde zaqymdanyp, mıy isindi, qan uıý oshaqtary men súıekterdiń jabyq synyǵy tirkeldi», - dedi depýtat.

Sondaı-aq ol buǵan deıin Almaty oblysy men Almaty qalasynda bolǵan oqıǵalardy eske saldy.

«Men dáriger retinde eshbir doktor qolyna túsken naýqasqa ólim tilemeıtinin aıtqym keledi. Medıtsına mamandary kún saıyn jumys barysynda dórekelikke tap kelip, naýqastardyń agressıvti týystarynan zardap shegip jatady», - dedi ol.

Depýtat Talǵardaǵy jaǵdaıda ádil baǵa berilip, kináliler zańmen jazalaný keregin aıtty.

«Ekinshiden, Densaýlyq saqtaý mınıstrligi medıtsına mamandaryn qorlaýǵa tózýshilik joq ekeni týraly qoǵam arasynda túsindirý jumystaryn júrgizý kerek. Úshinshiden, medıtsına qyzmetkerleriniń mártebesi týraly zań qabyldaıtyn kez keldi», - dedi ol.