Depýtat pedofılderge hırýrgııalyq kastratsııa jasaýdy usyndy

<p>ASTANA. KAZINFORM &ndash; Búgin Májiliste balalardyń qaýipsizdigin qamtamasyz etý boıynsha zań jobasyn tanystyrý kezinde depýtat Elnur Beısenbaev pedofılderge qatysty jazany kúsheıtýdi usyndy. Bul rette ol bul qylmysqa qatystylarǵa hırýrgııalyq kastratsııa jasaý kerek ekenin aıtty.</p>

Atap aıtqanda, jańa zań jobasynda pedofılııa úshin ómir boıyna bas bostandyǵynan aıyrý jazasy eskerilgen.

«Jańa redaktsııada olardy ómir boıyna bas bostandyǵynan aıyrý jazasy usynyldy. AMANAT fraktsııa atynan depýtattar hırýrgııalyq kastratsııa týraly usynys berdi. Degenmen, osy normaǵa qatysty Úkimet naqty ustanymyn tanytpady jáne bul túzetýdi qoldamady. Bul rette, túrli dálel keltirip, osyndaı qadam adam quqyǵy jónindegi konventsııaǵa qaıshy keletinin málimdedi. Atap aıtqanda, Eýropanyń biraz elinde hırýrgııalyq kastratsııa bar. Biz pedofılderdi jappaı kastratsııalaý kerek dep aıtyp turǵan joqpyz. Osy sheshimdi sot qabyldaýy tıis. Eger pedofılııa asa qatigezdikpen jasalsa, hırýrgııalyq kastratsııany jasaý kerek dep sanaımyz», — dedi E. Beısenbaev.

Onyń aıtýynsha, 30-40 jyl ótkennen keıin osy adam túrmeden bosap shyǵýy múmkin. Sebebi sol kezeńde jańa zańdar qabyldanýy yqtımal. 

Depýtat elimizde qazir pedafılderge qatysty hırýrgııalyq kastratsııany engizý kerek ekenin atap ótti. 

«Osy máseleni áli de pysyqtaý qajet. Biz fraktsııa atynan osy túzetýdi qaıta usynamyz», — dedi Elnur Beısenbaev.

Óz kezeginde Іshki ister mınıstriniń orynbasary Igor Lepeha bul aýyr qylmysqa qatystylarǵa qazir elimizde hımııalyq kastratsııa jazasy bar ekenin eske saldy. 

«Jalpy, Іshki ister mınıstrligi hırýrgııalyq kastratsııa baǵytynda jazany kúsheıtýge túbegeıli qarsy dep aıta almaımyn. Eger bizdiń pikirdi surasa, osy ustanymdy qoldaýǵa daıynbyz», — dedi I. Lepeha. 

Eske sala keteıik, byltyr kúzde Májilis depýtaty Ashat Aımaǵambetov pedofılderge qatysty tek hımııalyq emes, hýrýrgııalyq kastratsııany da engizý qajet ekenin aıtqan edi.