Depýtat lańkestik úshin azamattyqtan aıyrý babyn Konstıtýtsııaǵa engizýdi usyndy
Onyń aıtýynsha, konstıtýtsııalyq ózgerister syrtqy faktorlarǵa qaramastan, elimizdiń turaqty damýyn qamtamasyz etpek.
"Osy oraıda, Konstıtýtsııalyq qurylymnyń, qoǵamdyq tártip qaýipsizdigin jáne adam quqyqtary men erkindigin kúsheıtý maqsatynda usynamyn. Konstıtýtsııanyń 10-baby 2-tarmaǵyn kelesi redaktsııada kórsetý: Qazaqstan Respýblıkasynyń azamaty azamattyqtan aıyryla almaıdy jáne Qazaqstannan tys jerge shyǵaryla almaıdy. Azamattyqtan aıyrý tek sot sheshimimen lańkestik qylmys jasaǵany úshin jáne respýblıkanyń asa zor mańyzy bar múddelerine zardap ákelgeni úshin shyǵarylady. Atalmysh usynys terrorızm qateriniń kúrt ósýine bergen jaýap bolady. Ol xalyqaralyq tájirıbege saı keledi. Ol úshin kelesideı talaptar oryndalýy qajet: azamattyqtan aıyrý quzyrly organdardyń sheshimimen ǵana júrgiziledi. Bizdiń usynysta tek sottyń sheshimimen. Ekinshiden, sebebi qatań shektelýi tıis. Bizdiń redaktsııada eki sebep qarastyrylǵan - terrorlyq qylmysty jasaý men asa mańyzdy el múddesine zardap keltirý", - dedi G. Kım
"Bul usynystar Konstıtýtsııa mazmuny men mánimen jáne xalyqaralyq quqyq tájirıbesine sáıkes keletindikten, Parlament depýtattaryn osy usynystardy qoldaýǵa shaqyramyn", - dep atap ótti ol.