Depýtat Qurylys kodeksi týraly: Qatysy bar ekeni dáleldense, Sharlapaev ta otstavkaǵa ketý kerek

<p>ASTANA. KAZINFORM &ndash; Májilis depýtaty Baqytjan Bazarbek Ónerkásip jáne qurylys mınıstri Qanat Sharlapaevpen aradaǵy daý týraly pikir bildirdi.</p>

«Biz bul jerde búrkemelengen zań buzý faktisi týraly aıtyp otyrmyz. Qoǵamǵa halyqtyń aqshasyn bosqa jumsap, jelge ushyrmaý kerektigin kórsetýge tyrysyp jatyrmyz. Odan basqa mańyzdy qajettilikter jetedi. Al bul jerde Qurylys kodeksi retinde eshqandaı syn kótermeıtin qujat daıyndaǵan. Oǵan qosa, qylmystyq jaýapkershilik týraly aıtqan kezde joǵary laýazymdy sheneýnikter óz qaramaǵyndaǵylardy aqtaý úshin bárin jasaıdy. Bul iste ustanym aıqyn bolý kerek dep oılaımyn. Biz sybaılas jemqorlyqpen kúres týraly aıtqan ekenbiz, aıaǵyna deıin barýymyz kerek», - dedi ol.

Depýtat mınıstrdiń otstavkasy týraly da pikir bildirdi.

«Bizge mınıstrdiń óziniń otstavkasy jetkiliksiz. Jeke men úshin osy faktige qatysy bar tulǵalar kinási dáleldense, qylmystyq jaýapkershilik arqalaýy kerek. Mınıstrdiń qatysy bar ekeni dáleldense, ol da otstavkaǵa ketýi kerek», - dedi Baqytjan Bazarbek.