Depýtat Qonaev pen Taldyqorǵan arasyna elektr jelisin tartýdy usyndy
«Almaty oblysynda elektr tapshylyǵyn jabý jáne avarııalar bolǵan jaǵdaıda elektr energııasyn berýdiń rezervtik jelisimen qamtamasyz etý úshin Taldyqorǵan jáne Qonaev qalalary arasynda áýe jelisin salǵan jón bolar. Bul qurylys Taldyqorǵan qalasynan alynatyn elektr energııasynyń turaqtylyǵyn jaqsartýǵa múmkindik beretini sózsiz. Bul jóninde mınıstrlik energııany tıimdi paıdalaný, dástúrli qýat kózderine táýeldilikti azaıtyp, jasyl energııany damytý úshin tııanaqty, júıeli jumystar júrgizýi qajet ekenin eskerý kerek», - dedi Janbolat Jórgenbaev.
Senator qazir respýblıka halqynyń 59%-y gazben qamtylǵanyn atap ótti. Al gaz tutyný kólemi artqan saıyn tapshylyq máselesi de ýshyqpaq.
«Jetisý oblysynda 2025 jyldyń sońyna deıin 126 eldi mekendi tabıǵı gazben qamtamasyz etý qajet. Qurylys-montajdaý jumystaryna arnalǵan qarajattyń ýaqtyly jáne tolyq aýdarylmaýynan óńirlerdi gazdandyrý aıtarlyqtaı qıyndady. Indýstrııalyq aımaqtardy tutynýshylar úshin áleýmettik mańyzy bar eldi mekender men gazben jabdyqtaý obektileri úshin bıýdjet qarajatyn bólýge jáne tehnıkalyq jaǵdaılar alýǵa járdem kórsetý qajet», - dedi ol.