Depýtat «Qolaıly mektep» jobasyn soltústiktegi óńirlerge baǵyttaýdy usyndy

NUR-SULTAN. QazAqparat – QR Parlamenti Májilisiniń depýtaty ıÝlııa Kýchınskaıa Prezıdent Joldaýynyń tıimdi iske asýy Úkimettiń quzyrettiligine baılanysty ekenin aıtady, dep habarlaıdy QazAqparat tilshisi.

«Prezıdent Joldaýynda óte kóp mindet júkteldi. Biraq olar biz jetýimiz kerek maqsattarǵa ǵana. Oǵan qalaı jetemiz degen másele óz aldyna mańyzdy. ıAǵnı Joldaýdyń iske asýy Úkimettiń jalpyulttyq josparǵa qandaı tetikter engizetinine de baılanysty. Josparǵa Joldaýdyń zeınetaqy týraly úzindisin qıyp alyp, oryndaýshynyń tusyna BJZQ-ny bekite salýǵa bolmaıdy dep oılaımyn. Óıtkeni Joldaýdyń ár pýnkti muqııat eseptep, tetikterin egjeı-tegjeı oılastyrýdy qajet etedi», dedi depýtat Ortalyq kommýnıkatsııalar qyzmetinde ótken sarapshylar keńesinde.

Sondaı-aq, ol Joldaýda aıtylǵan «Qolaıly mektep» jobasyn soltústik óńirlerge halyq qonystandyrý saıasatymen úılestirip iske asyrýdy usyndy.

«Mektepterde 800 myń qolaıly oryn qalyptastyrý týraly tapsyrmasyn ǵana alyp qaraıyq. Bul búkil oqýshylardyń besten bir bóligi degen sóz. «Qolaıly mektep» jobasyna qatysatyn bilim oshaqtary qalaı irikteledi, bazasy qaıda bolady? Osynyń bári tereńdep taldaýdy kerek etedi. Ásirese óńirlerdegi mektepterdi zertteý kerek. Soltústikke kóshińizder degen uran kóp. Biraq barǵan kezde qyl aıaǵy durys mektep te joq bolyp shyǵady. Ótken ǵasyrdyń elýinshi jyldary salynǵan mektepter áli tur.

ıAǵnı, Joldaýdyń tıimdi iske asýy tetikteri qanshalyqty saýatty pysyqtalǵanyna baılanysty bolmaq. Bul tek Úkimettiń ǵana emes, sarapshylar qaýymynyń da, depýtattar korpýsynyń da jumylýyn talap etedi», - dedi ıÝlııa Kýchınskaıa.