Depýtat keıbir sanattaǵy muǵalimderdi biliktilik testinen bosatýdy usyndy

NUR-SULTAN. QazAqparat – Májilis depýtaty Zarına Kamasova 30 jyldan artyq ótili bar muǵalimderdi biliktilik testen bosatýdy usyndy, dep habarlaıdy QazAqparat tilshisi.

«Memleket óz Joldaýynda ádiletti Qazaqstandy qurýdamektep muǵlamdieriniń jetekshimańyzǵa ıe ekenin aıtty. Olardyń quzyretin anyqtaıtyn naqty ári ashyq tetikter ázirlenýi kerek. Qazir ondaıtetik Ulttyq biliktilik testileý júıesi bolyp otyr. Biraq bul júıe pedagogterdiń aldyna múmkindikten góri kedergilerdi kóbirek tosýda», - dedi ol Oqý-aǵartý mınıstri Ashat Aımaǵambetovke joldaǵan depýtattyq saýalynda.

Sondaı-aq depýtat atalmysh testiń túrine aldyn ala daıyndalý múmkin emestigin másele etip kóterdi.

«Mundaı qyzmetti jeke bıznes kórsetetindikten, onyń baǵasyn kez kelgen muǵalimniń qaltasy kótere bermeıtin kórinedi. Al keıbir pedagogter úshin aldyn ala testileý tásili men merzimi qolaısyz. Matematıka muǵalimi esse jazý kerek degen sııaqty fýnktsıonaldyq mindetinen tys synaqtar da testileýdiń tıimdiligin tómendetetin kórinedi. Attastetsııalaýdyń qoldanystaǵy erejesi boıynsha áýeli pedagog biliktilik testinen ótýi kerek. Odan jetkilikti ball almasa, jetisteri týraly qujat jınaýdyń qajeti bolmaı qalady jáne biliktilik sanatynan aıyrylady. Sonda muǵalimniń kásibıligin anyqtaıtyn basty kórsetkish ne degen suraq týyndaıdy. Eger Ulttyq biliktilik testi basty ındıkator bolsa, onda nege onyń suraqtarymen, ásirese sabaq berý jáne tárbıe jónindegi suraqtarmen aldyn ala tanysý múmkindigi joq. Búginde suraqtarmen aldyn ala tanysý úshin aqyly synqaq testen ótý kerek. Onyń baǵasy muǵalim úshin 3063 teńge, dırektor úshin 5000 teńge. Olaı bolmasa 40 myń teńge tólep, Ulttyq bilikti testileý kýrsynan ótý qajet», - dedi Zarına Kamasova.

Osyny negizge alǵan depýtattar Ulttyq biliktilik testin ótkizý tártibine ózgeris engizýdi usynyp otyr. Sonyń aıasynda 30 jyldan artyq ótili bar muǵalimderdi testileýden bosatý týraly usynysty naqty normatıvtik-quqyqtyq aktige kóshirý, biliktilik sanatyn taǵaıyndaý kezinde ulttyq testileý nátıjesi eskerilýi mindetti sanattardy aıqyndaý usynyldy.