Depýtat Gaz ınspektsııasyn qalpyna keltirýdi usyndy

<p>ASTANA. KAZINFORM &ndash; Májiliste keıbir zańnamalyq aktilerge gazben jabdyqtaý jáne taýarlyq gazdy únemdi tutyný máseleleri boıynsha ózgerister men tolyqtyrýlar engizýge arnalǵan zań jobasy tanystyryldy.</p>

Talqylaý kezinde Májilis depýtaty Baqytqoja Іzmuhamedov turmysta gaz tutynýdyń qaýipsizdigi zańda durys rettelmegenin synady.

«Gaz paıdalaný kezinde qaýipsizdikti qamtamasyz etý máselesi zańda qalaı rettelmekshi? Buǵan deıin gaz ınspektsııasy bolǵan edi. Qazir de sondaı bir qurylym kerek sııaqty. Óıtkeni qazir eshkim gaz tutynýdyń qaýipsizdigin qamtamasyz ete almaı otyr. Sondyqtan gazdy tıimdi paıdalaný jáne tarıf máselesin qaramaı turyp qaýipsizdikti kúsheıtý máselesin jónge keltirip alý kerek sııaqty. Áıtpese bul shıki zań bolady», - dedi depýtat.

Zań jobasyn áriptesterine tanystyrǵan Ekaterına Smyshlıaeva atalǵan usynysty qoldaıtynyn, biraq qarjylyq jaǵyn pysyqtaý kerektigin aıtty.

«Zań ınspektsııasyn qalpyna keltirý týraly usynysyńyzdy qoldaımyn. Meniń bilýimshe úı sharýashylyǵyndaǵy gaz júıeleriniń qaýipsizdigi naryqqa berilgen. ıAǵnı, tıisti sertıfıkat alyp, osymen aınalysatyn kompanııalar bar. Biraq ol naryq áli tolyq qalyptasyp bitpeı jatyr. Bul máselede memlekettiń monopolııasy bolsa áldeqaıda tıimdi bolar edi. Óıtkeni gaz ınspektsııasy memlekettik fýnktsııanyń arasynda qaýipsizdik máselesin naqty rettep otyrar edi. Bul máseleni zań jobasyn pysyqtaý kezinde talqylaı alamyz dep oılaımyn. Jalǵyz másele bar, ondaı ınstıtýt qurý úshin shtat sanyn keńeıtýge aqsha kerek bolady», - dedi depýtat.