Depýtat elimizde taýar baǵasyn tómendetýge qatysty usynys aıtty
«Birde-bir taýardyń baǵasy arzandaǵan joq. Sonymen qatar, sońǵy 10 aıda azyq-túlik ınflıatsııasy 23 paıyzdan asty. Ulttyq bank pen Úkimet baǵany ustap turýdyń eki qaýqarsyz quralyn, ıaǵnı bazalyq mólsherleme men «aınalym shemasyn» únemi aınalshaqtap júredi. Ulttyq bank bazalyq mólsherlemeni 16 paıyzǵa deıin kóterdi. Bazalyq mólsherlemeniń joǵarylaýy nesıe boıynsha paıyzdyq mólsherlemeniń avtomatty túrde kóteriletinin jáne nesıe alý bıznes úshin qıyndaı túsetinin bildiredi. Sonyń saldarynan bıýdjetke qymbat nesıeler júkteledi», - dedi A. Jamalov Úkimet basshysy Álıhan Smaılovtyń atyna joldaǵan saýalynda.
Sonymen qatar ol «aınalym shemasyna» toqtaldy.
«Aınalym shemasy» boıynsha qazirdiń ózinde 86,1 mlrd teńge jumsaldy jáne taǵy 14,9 mlrd teńge bólý josparlanyp otyr. Esterińizge sala keteıin, Memleket basshysy osy jyldyń shilde aıynda «aınalym shemasynyń» tıimdiligine kúmán keltirgen bolatyn. Biraq eshteńe bolmaǵandaı aınalym shemasy aıasynda jumystar jalǵasyp keledi. Biz eshqandaı jańa sheshimderdi kórmedik. Al Prezıdenttiń tapsyrmasy is júzinde oryndalmaı jatyr. Bul turǵyda ınflıatsııany tejeý baǵytynda Ulttyq bank pen Úkimet burynǵydaı áreket etip, biraq jaqsy nátıjege úmittenip otyr. Inflıatsııamen kúrestegi basty másele – Ulttyq bank pen Úkimet arasynda birlesken, , kelisilgen saıasattyń joqtyǵy dep bilemin. Árkim máseleni óz betinshe sheshedi», - dedi depýtat.
Osy oraıda ol Qazaqstandaǵy ınflıatsııaǵa shetelden keletin ónimder eleýli yqpal etip otyrǵanyn aıtty. Elimiz azyq-túlik, dári-dármek, kıim-keshek, turmystyq tehnıka, qurylys materıaldaryn, jıhaz jáne basqa da halyq tutynatyn taýarlardy úlken kólemde ımporttaımyz. Tek azyq-túlik ımporty 4 mıllıard dollarǵa jetedi.
«Birinshiden, Ulttyq bank ózimizdiń óndiriti jáne naqty sektordy damytý úshin ınvestıtsııa men nesıe qajet ekenin túpkilikti túsinýi kerek. 16 paıyz deńgeıinde eshkim nesıe almaıdy. Bizge aqsha aǵynyn otandyq óndiristi damytýǵa baǵyttaıtyn tıisti aqsha-nesıe saıasaty kerek. Ázirge ol tek bankter men iri depozıt ıeleriniń paıdasyna jumys isteıdi. Ekinshiden, ımporttyq jetkizý saıasatyn qaıta qaraý qajet. EAEO jáne Ortalyq Azııa aıasynda ımporttyń jańa tıimdi nusqalaryn únemi izdestirý kerek. Prezıdenttiń dıplomatııalyq bastamalarynyń jetistikterine jáne onyń halyqaralyq bedeline súıene otyryp, Qazaqstannyń geografııalyq artyqshylyǵyn tolyq paıdalaný qajet», - dedi depýtat.