Depýtat elektr energııasynyń tarıfin birneshe organ retteıtinin synady

NUR-SULTAN. QazAqparat –QR Parlamenti Senatynyń depýtaty Súıindik Aldashev eldegi elektr energııasynyń tarıfterin retteýde birizdilik joq ekenin synǵa aldy, dep habarlaıdy QazAqparat tilshisi.

«Tarıf belgileý isinde naryqtaǵy búkil qatysýshylardyń múddesin birdeı qorǵaıtyn biryńǵaı saıasattyń bolmaýy da - úlken problema», - dedi Súıindik Aldashev Senat qabyrǵasynda ótip jatqan dóńgelek ústelde.

Onyń aıtýynsha, elektr jáne jylý energııasyn óndirý qyzmetin túrli salalyq rettegish organdardyń retteýi durys emes

«Mysaly, energııa óndirýshi uıymdardyń tarıfterin Energetıka mınıstrligi retteıdi. Al energııa berýshi jáne energııamen jabdyqtaýshy uıymdardyń tarıfterin, sondaı-aq energııa óndirýshi uıymdardyń jylý energııasyna tarıfin Ulttyq ekonomıka mınıstrliginiń Tabıǵı monopolııalardy retteý komıteti retteıdi. Investıtsııalyq mindettemelerdiń oryndalýyn baqylaý tıisti deńgeıde júzege asyrylyp júrgen joq», - dedi Senat depýtaty.

Sondaı-aq, ol elektr energııasyn óndirý jáne berý, tutyný salasyn tolyqqandy tsıfrlyq esepke alý qajettigin aıtty.