Depýtat balalarǵa qarjy aýdarý týraly: ár otbasy ózgeristi jyly qabyldap jatyr
«Ótken jyly Memleket basshysy Qasym-Jomart Toqaev, áleýmettik memleket retinde elimizde halyqtyń áleýetin arttyrýǵa basymdyq berip, «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń Ulttyq qorynan balalarǵa arnalǵan qarajatty esepteý, tóleý jáne paıdalaný máseleleri boıynsha ózgerister men tolyqtyrýlar engizý týraly» Zańyna qol qoıǵan bolatyn», - dep jazdy Aqmaral Álnazarova Facebook paraqshasynda.
Halyq qalaýlysynyń aıtýynsha, Ulttyq qordyń jyl saıynǵy ınvestıtsııalyq tabysynyń 50% balalardyń shotyna aýdaryla bastady.
«Halyq qalaýlysy retinde, elmen etene baılanystamyz. Tańerteńnen beri, qazaqstandyq otbasylarynyń, ásirese, shalǵaıdaǵy árbir otbasynyń osy ózgeristerdi jyly qabyldap jatqanyn estip otyrmyz. Bolashaqqa degen senimderi artqan. Jasyratyny joq, qazirgi qoǵam – elimizdegi árbir ózgeristi sol mezette sezinedi. Qazir bılik pen áleýmet arasynda shekara joq», - deıdi ol.
Sondaı-aq, depýtat Senat tóraǵasy Máýlen Áshimbaev «Ulttyq qor – balalarǵa» jobasynyń maqsattary týraly BAQ ókilderiniń saýalyna jaýap bergenin aıtty.
«Bul degenimiz memleket - búgingi jas jetkenshektiń, erteńgi ınvestıtsııasynynyń negizin qalyptastyrǵandyǵyn kórsetedi», - dep tolyqtyrdy A. Álnazarova.