Depýtat B.Smaǵul «Qazaqtyń qara maıory» týraly kitap shyǵardy

ASTANA. QazAqparat - Búgin Astanada QR Parlamenti Májilisiniń depýtaty, «Qazaqstan ardagerleri» qaýymdastyǵynyń tóraǵasy Baqytbek Smaǵuldyń jaryq kórgen 3 birdeı jańa kitaby qalyń jurtshylyqqa tanystyryldy.

Depýtattyń qalamynan shyqqan «Qaharman», «Qazaqtyń qara maıory» jáne «Oq pen Otan» kitaptary qazaq arasynan shyqqan eren erlerdi elmen etene tanystyrýǵa baǵyshtalǵan. «Qaharman» atty kitap Keńes Odaǵynyń Batyry Baýyrjan Momyshulynyń urpaqqa qaldyryp ketken taýsylmas murasyna arnalyp otyr. «Baýyrjan Momyshulynyń otty sózderi eshqashan da kónermek emes. Búginde táýelsiz el bolǵannan keıin, táýelsizdik sana qalyptastyrǵan ózimizdiń azamattarymyz bolýy tıisti. Bul qazaqtyń altyn ǵasyry dep bastaıtyn bolsaq, biz osy uly memleketti ilgeriden ıemdengen batyr babalarymyzdyń urpaǵy ekenimizdi árbir Qazaqstan azamaty úshin maqtan bolýy qajet», - deıdi avtor B.Smaǵul tilshilerge bergen suhbatynda. «Qazaqtyń qara maıory» atty kitap Aýǵan soǵysyndaǵy daryndy qolbasshy, daraboz tulǵa Borıs Kerimbaevtyń eren erligine arnalǵan. Avtor shyǵarmalarynda qan tógisti nasıhattap otyrǵan joq, kerisinshe ár sóıleminde onyń zulmat ekendigin kórsetedi. «Aýǵan soǵysyna Qazaqstannan barǵan «Musylman» batalonynyń, sonyń ishinde Borıs Kerimbaevtyń ómirbaıany men erligi tarıhı derekter men kerekti dúnıelermen kómkerilgen. «Ot pen Otan» kitabynda Qazaq Handyǵynyń 550 jyldyǵy qarsańynda búginde kóbeıip ketken jylańqy óleńder emes, rýhty janıtyn, namysty qaıraıtyn, maıyspaıtyn, synbaıtyn, ulttyq oǵlandardy tárbıeleýge septigin tıgizetin otty týyndylar qamtylǵan», - dep atap ótti aqyn. Onyń aıtýynsha, kitaptar búkil Qazaqstanǵa tegin taratylady. Kitaptardyń taralymy shamamen 5-nan 15 myń danaǵa deıin jetedi.