Depýtat avtobýstarda júrgizýshini jolaýshylardan oqshaýlaıtyn sharbaq ornatýdy usyndy

<p>ASTANA. KAZINFORM &ndash; &nbsp;Astana máslıhatynyń depýtaty Sáýle Samıdın elordadaǵy marshrýttyq avtobýstarda júrgizýshini jolaýshylardan oqshaýlaıtyn sharbaq ornatýdy usyndy.</p>

«Jańa avtobýstar satyp alǵan kezde júrgizýshilerdiń qaýipsizdigin eskerseńizder degen ótinish aıtqym kelip otyr. Jolaýshynyń júrgizýshige qol jumsaýynan apat bolyp, adam ólimi tirkelgeni sııaqty jaıttarǵa jol bermeýimiz kerek. Shetelderde júrgizýshini jolaýshylardyń shabýylynan qorǵaıtyn sharbaqtar bar. Bul máseleni erte bastan, qazirdiń ózinde oılastyrý kerek», - dedi depýtat.

Eske salsaq, jeltoqsan aıynda Almatydaǵy №47 baǵyttaǵy qoǵamdyq kóliktiń ishindegi jolaýshy janjal shyǵaryp, júrgizýshi áıeldi urǵan. Saldarynan úsh adam qaza tapty. 4 adam túrli dene jaraqattarymen aýrýhanaǵa jetkizilgen edi.