Depýtat aýrýhanalarǵa rezervtik elektr energııasy jabdyqtaryn qosýdy talap etti

<p>Keıbir aýrýhanalarda rezervtik jaǵdaıda iske qosylatyn elektr jabdyqtary joq. Bul týraly Senattyń jalpy otyrysynda depýtat Janna Asanova aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Depýtat 29 qazanda Astanada birneshe saǵat boıy elektr qýaty bolmaı qalǵanyn eske saldy. Qosalqy transformator stantsııasyndaǵy apat kútpegen jaǵdaıǵa sebep boldy. Osynyń saldarynan qalanyń bir bóliginde elektr qýaty bolmaı qaldy, onyń ishinde aýrýhanalar da bar.

«Dárigerler kún saıyn túrli arnaýly tehnıkany paıdalana otyryp, eresekter men balalardyń ómiri úshin operatsııa ústelinde arpalysqa túsedi. Júzdegen patsıent reanımatsııada bolady. Olardyń aǵzasyna qoldaý kórsetý maqsatynda túrli medıtsınalyq apparattar qosylady. Al medıtsınalyq tehnıkanyń bári jumys isteýi úshin elektr energııasy kerek ekeni anyq. Ol bolmaǵan jaǵdaıda, naýqastardyń ómirin saqtap qalý nemese qoldaý kórsetý múmkin emes. Sondyqtan aýrýhanany rezervtik qýat quraldarymen jabdyqtaý mindetti talap ekenin túsiný kerek», - dedi J.Asanova Densaýlyq saqtaý mınıstrligine joldaǵan saýalynda.

Depýtat klınıkalar men statsıonarlarda, onyń ishinde shalǵaıdaǵy aýyldarda avtomatty túrde úzdiksiz qýat beretin generatorlardyń bolýyn tekserýdiń mańyzyn atap ótti. Úzdiksiz qýat beretin avtomatty generatordy aýystyrý nemese satyp alý úshin qarjy bólý kerek.

«Al densaýlyq saqtaý mekemeleriniń basshylary aýrýhanalardy elektr energııasymen turaqty qamtamasyz etýdi, generatorlardyń jaramdylyǵy men generatorǵa arnalǵan otynnyń bolýyn baqylaýdy kúsheıtýi tıis», - dedi senator.