Depýtat aýrý balanyń kútimine jaýapty ata-anany zeınetke erte shyǵarýdy usyndy

<p>ASTANA. KAZINFORM &ndash; Búgin Parlament Májilisinde medıtsına salasyndaǵy máselelerdi talqslaýǵa arnalǵan jıynda depýtat Dáýlet Muqaev tserebraldy sal aýrýyna shaldyqqan balanyń kútimine jaýapty ata-ananyń birin zeınetke erte shyǵarý usynysyn aıtty.</p>

«Aýtızm, tserebraldy sal aýrýyna shaldyqqan balalarǵa ómir boıy eresek adamnyń kútimi kerek. Onyń janynda adam júrýi qajet. Osyǵan baılanysty olardyń ata-analarynyń bireýiniń zeınet jasyn tómendetý jaǵyn qarastyryp otyrsyzdar ma? Eńbek jáne halyqty áleýmettik qorǵaý mınıstrligimen birge keshendi jumysty josparlap otyrsyzdar ma?», - dep surady D. Muqaev. 

Óz kezeginde Densaýlyq saqtaý mınıstri Aqmaral Álnazarova zeınetke baılanysty tıisti mınıstrlik qarajat kólemin esepteýi kerek ekenin aıtty.

Sonymen qatar otyrystan keıin tilshiler mınıstrden depýtattyń atalǵan usynysyn júzege asyrý múmkindigi týraly surady. 

«Negizi máseleni zertteýge, usynysty qabyldaýǵa bolady. Biz usynysty qarastfrymyz», - dedi A. Álnazarova.