Depýtat: Aýyl sharýashylyǵyndaǵy sanaqtar salanyń damýyna áser etip jatqan joq

<p>ASTANA. KAZINFORM &ndash; Májilistiń Halyqaralyq ister, qorǵanys jáne qaýipsizdik komıtetiniń otyrysynda memlekettik statıstıkanyń sapasyn jaqsartýǵa baǵyttalǵan zań jobasy talqylanyp jatyr.&nbsp; Otyrysta Májilis depýtaty Anas Baqqojaev aýyl sharýashylyǵy salasyndaǵy sanaqtardyń sapasyn synady.</p>

«Osyǵan deıin aýyl sharýashylyǵyna baılanysty eki sanaq júrgizdińizder. Ekeýiniń nátıjesinen aýyl sharýashylyǵy eshqandaı paıda kórgen joq. Endi 2025 jylǵy sanaqty qalaı ótkizesizder? Sol sanaqtyń qorytyndysy boıynsha qandaı strategııalyq sheshimder qabyldanady?» - dep surady ol.

Ulttyq statıstıka bıýrosynyń basshysy Maqsat Turlybaev keler jylǵy sanaqqa daıyndyqty pysyqtaý úshin bıyl ár óńirdiń eki aýylynda pılottyq sanaq júrgiziletinin aıtty.

«2025 jyly aýyl sharýashylyǵynyń aýqymdy sanaǵy ótkizileıin dep otyr. Oǵan biz osy jyldan bastap tıisti daıyndyqty bastadyq. Úkimet deńgeıinde arnaıy komıssııa quryldy. Búkil uıymdastyrý jumystaryn sol komıssııa sheshedi. Bıyl tamyz aıynda biz pılottyq sanaq ótkizemiz. Ár oblysta eki aýyldyq mekende ózimizdiń daıyndyq deńgeıimizdi teksertemiz», - dedi bıýro basshysy.