Depýtat aqyly joldarda qorshaý ornatýdy QazAvtoJol-ǵa mindetteýdi usyndy
«Qazirgi tańda elimizdegi jol qorshaýlary boıynsha jumystardyń jaǵdaıy nashar. Mysaly keshe ǵana Jetisý oblysynda joldaǵy qorshaýdyń bolmaýynan mal jolǵa shyǵyp, jol apatyna sebep boldy. Ókinishke oraı, adam qazasy bar. Mundaı jaǵdaı óte kóp», - dedi F. Qarataev Májilistiń jalpy otyrysynda.
QR Іshki ister mınıstrliginiń aqparaty boıynsha, elimizde jyl saıyn 13 myńnan astam jol-kólik oqıǵasy bolady, sonyń saldarynan jyl saıyn 2 myńǵa jýyq adam qaza bolsa, 18 myńǵa jýyq adam túrli jaraqattar alǵan.
«Taǵy aıta ketetin másele – jol apatynyń 75 paıyzy ınfraqurylymy tómen, jaıaý júrginshiler joly joq, jaryǵy joq eldi mekenderde bolady. Jalpy respýblıka boıynsha 2 mln pogondyq metr qajettilik bar. Búgingi tańda, olardy ornatý jumystary Almaty, Jetisý oblystarynda jáne Shymkent qalasynda nashar júrip jatyr. Jalpy, jaıaý júrginshiler zardap shekken apattardyń eń kóp úlesi Shymkent (102 nemese 47%), Almaty (1 007 nemese 30%), Astana qalalarynda (190 nemese 6%), Almaty (505 nemese 15%), Jambyl (311 nemese 9%), Túrkistan (158 nemese 5%), Mańǵystaý oblystarynda (133 nemese 4%) tirkelgen», - deıdi depýtat.
Sonymen qatar, jol apatyna sebep bolyp otyrǵan taǵy bir másele – kólik júrgizý tártibin saqtamaý.
«Mysaly kólikti mas kúıde aıdaý, bilimniń jetispeýinen jol erejesin buzý, kóbinese ózderi kólik júrgizip úırengender jol apatyna sebepker bolyp jatady.
Osynyń saldarynan ata-analar balalaryn mektepke jibergende jandaryn shúberekke túıip otyrady. Elimizdegi barlyq aqyly joldardyń jan-jaǵyndaǵy qorshaýlaryń josparǵa sáıkes oryndalýyn «QazAvtoJol» UQ» AQ-ǵa mindettep, aqyly joldarda jol apaty bolǵan jaǵdaıda jaýapkershilikti qarastyrý kerek. Eldi mekender arqyly ótetin úlken joldardy tolyǵymen jaryqpen qamtamasyz etýdi, tıisti mınıstrlikter, jergilikti atqarýshy organdarmen birigip, joǵarydaǵy máseleler boıynsha keshendi sheshim qabyldaýdy jáne onyń oryndalýyn talap etemiz», - dedi F. Qarataev.