Depýtat Ábıba Ábýjaqynovaǵa kólik syılady

<p>ASTANA. KAZINFORM &mdash; Parıj Olımpıadasynda dzıýdodan áıelder arasynda 48 keli salmaqta el namysyn qorǵaǵan Ábıba Ábýjaqynovaǵa depýtat Aıdarbek Hodjanazarov kólik syılady. Bul týraly Ábıba óziniń áleýmettik jelidegi paraqshasyna jazdy.</p>

Sportshyǵa temir tulpar tabystalǵan sátti Májilis depýtaty Aıdarbek Hodjanazarov ta áleýmettik jelidegi paraqshasynda jarııalady.

«Kóp sózdiń qajeti joq dep oılaımyn», — dep jazdy Ábıba Ábýjaqynova áleýmettik jelige.

Eske sala keteıik, buǵan deıin Aıdarbek Hodjanazarov Olımpıadada jeńilip qalǵan Ábıba Ábýjaqynovaǵa syıaqy beretinin aıtqan bolatyn.

«Túnimen dóńbekship uıyqtaı almadym. Oǵan sebep — Ábıba qaryndasymnyń kóz jasy. Bul namystyń kóz jasy. Bul — tektiliktiń belgisi. Bul — úlken tárbıeniń úlgisi! Qysqasy, Ábıba qyzymyzǵa óz atymnan arnaıy syıaqy beremin. Parıjde Qazaqstannyń abyroıyn qorǵaımyn dep baryn saldy. Jaraqat alsa da qaıtqan joq. Osyndaı eńbekti baǵalaý kerek. Osyndaı patrıottyqty nasıhattaý kerek», — dep jazǵan edi Hodjanazarov.

Aıta keteıik, 2024 jylǵy Jazǵy olımpıada oıyndarynyń jabylý saltanaty tamyzdyń 11-inen 12-sine qaraǵan túni, Astana ýaqytymen saǵat 00.00-de bastalady. Al Jibek Joly arnasy ázirlegen tikeleı efır saǵat 22.30-da bastalady.

Telearna stýdııasyna Sıdneı Olımpıadasynyń kúmis júldegeri Islam Baıramýkov, Parıj olımpıadasynyń qatysýshysy, dzıýdoshy Ábıba Ábýjaqynova, Atlant Olımpıadasynyń chempıony, grek-rım kúresinen ulttyq quramanyń bas bapkeri ıÝrıı Melnıchenko shaqyrylyp otyr.