Depýtattar qandaı kitap oqıdy – Parlament kitaphanasy mamanymen suhbat
«Parlament kitaphanasynda jumys isteý úshin ámbebap maman ǵana emes, sonymen birge oı-óristiń de jan-jaqty bolýy tıis. Kelýshilerge bilikti qyzmet kórsetý úshin saıasattan da, ekoomıkadan da, zańnamadan da habardar bolýyń qajet. Ár kelýshi ózine kerekti taqyrypqa qatysty materıaldar surap, jyldam qyzmet alýdy qalaıdy», - dedi «Materıaldyq-tehnıkalyq qamtamasyz etý basqarmasynyń ákimshilik ǵımarattar dırektsııasy» RMK kitaphanashysy.
Aıta keterligi, Ádilhan bul jumysqa tosynnan kelgen edi.
«Abaı atyndaǵy Almaty memlekettik ýnıversıtetiniń tarıh fakýltetin bitirgennen keıin Ulttyq akademııalyq kitaphanaǵa jumysqa turdym. Keıinirek Parlament kitaphanasynda bos jumys orny bar ekenin kórip, baǵymdy synap kórýge bel býdym. Osylaısha, jumysqa qabyldandym. Onyń aldynda kitahanashy bolamyn dep esh ýaqytta oılap kórmegen edim. Búginde jumysym ózime unaıdy», - dedi Á. Faızýllın.
Parlament kitaphanasynyń tarıhy 1987 jyldan, Qazaq KSR Joǵarǵy keńesiniń aqparattyq-saraptamalyq bóliminen bastalady. Qazirgi ýaqytta kitaphanadaǵy kitaptar men jýrnaldar sany eselep artqan. Kitap qory da únemi tolyqtyrylyp otyrady.
«Parlamenttik kitaphana mamandandyrylǵan, Parlament Májilisi men Senaty depýtattaryn jáne apparat qyzmetkerlerin aqparattyq qoldaý úshin qurylǵan. Kitap qorynyń negizgi bóligi quqyq, áleýmettik blok, ekonomıkalyq basylymdar. Entsıklopedııalyq jáne ǵylymı basylymdar da kóp. Qazirgi sátte kitap qory shamamen 50 myń dana bolsa, onyń 30 myńy – kitap, al 20 myńy – merzimdi basylymdar», - dedi kitaphanashy.
Kitaphana qyzmetkerleri oqyrmandarmen jumys istep, jýrnaldarǵa jazylýdy uıymdastyrýdan bólek eń qyzyqty ǵylymı maqalalardy skanerlep, olardy elektrondy derekter bazasyna engizedi. Zańshyǵarmashylyq jumysy barysynda depýtattarǵa asa qajetti tanymal basylymdar da elektrondy formatqa kóshirilgen. Ádilhan depýtattardyń kitaphanaǵa óte jıi keletinin aıtady.
«Májilismender ózderiniń jumys aıasynda Qazaqstannyń zańnamalyq normalarynyń jobalaryn sheteldik zańnamalarmen jıi salystyrmaly saraptama jasap otyrady. Biraq aýdarma erekshelikterine baılanysty sheteldik barlyq zańnyń aýdarmasy qoljetimdi emes. Biz kitaphanashy retinde kómektesýge tyrysyp, TMD elderiniń zańnama bazasynan uqsas normalardy taýyp beremiz», - dedi Á.Faızýllın.
Onyń atap ótýinshe, zańnamalyq quqyq, quqyqtaný, áleýmettik blokqa qatysty ádebıetke suranys óte joǵary.
«Oqyrmandarymyzǵa jan-jaqty kómek kórsetýge tyrysamyz. Baspalarmen jumys istep, olardyń jańa kitaptarynyń ishinen qyzyqtyratyn basylymdardy satyp alamyz. Budan bólek, bizge avtorlar da jıi kelip, kitaptaryn tanystyryp, tartý etip ketedi. Taıaýda ǵana Máshhúr Júsip Kópeevtiń kitaby tanystyryldy. Onyń urpaqtary kitaphanaǵa oıshyldyń shyǵarmalarynyń tolyq jınaǵyn tartý etti», - dedi maman.
Kitap qoryn ózektendirý protsesi bylaı órbıdi: Parlament depýtattary men apparat qyzmetkerleriniń poshtasyna saýalnama jiberilip, onda olar ózderine qandaı ádebıet qajet ekenin kórsetedi. Munan keıin tizimdi kitaphana qyzmetkerleri qarap shyǵady da, baspalardyń arasynan qajetti kitaptardy iriktep alady.
Kitaphana ujymy zaman kóshinen qalyp qoımaýǵa tyrysady. Oqyrmandaryna yńǵaıly bolýy úshin kitapty qashyqtan da tapsyrys berý múmkindigin iske qosqan.
«Bizde elektrondy katalog bar. Parlament depýtattary men apparat qyzmetkerleriniń qaı-qaısynyń da jumys kompıýterinde bizdiń «elektrondy kitaphanamyz» bar. Bizde qandaı kitaptardyń bar ekendigin qarap, avtory, taqyryby, kilt sóz, naqty ataýy boıynsha tańdaý jasaýǵa bolady. Eger másele týyndaıtyn bolsa, onda iske biz aralasamyz. Biraq kitaphanamyz bos bolmaıtynyn, oqyrmandarymyzdyń bizge kelgendi jaqsy kóretindigin atap ótkim keledi», - dedi Á.Faızýllın.
Sonymen qatar ol Parlament kitaphanasy Ulttyq akademııalyq kitaphanamen, QazMZÝ jáne EUÝ kitaphanalarmen jan-jaqty yntymaqtastyqty jolǵa qoıǵanyn aıtady. Sonyń arqasynda ózderinde joq kitaptarda olardan belgili bir ýaqytqa ala turýǵa da múmkindikteri bar. ıAǵnı, kitaphanalar arasynda ózara kitap almasý jaqsy jolǵa qoıylǵan.
Parlament kitaphanasy zamanaýı kovorkıng ortalyqpen jabdyqtalǵan. Onda túrli is-sharalar, tipti parlamenttik tyńdaýlar da ótip turady. Kitaphana ıntererin jýrnalıster de jaqsy kóredi. Olar atalǵan ortalyqtarǵa suhbattar jazyp alyp jatady.
Kitaphanashy ózi jumysynyń artyqshylyǵy retinde aqparattyń mol legin, jańa álemdik saraptamalardan habardar bolý, jańa ǵylymı ádebıettermen tanys bolý múmkindigin atady.
«Kitaphana – bul meniń jumysym bolǵandyǵyna qaramastan kitap oqyǵandy óte jaqsy kóremin. Bul jerde jumysqa qatysty aqparattardy, al úıde ádebı kitaptardy oqımyn. Sońǵy ýaqytta ǵylymı-tanymdyq jáne tarıhı ádebıetterge kóńil bólip júrmin. Degenmen burynyraq fantastıkalyq shyǵarmalar unaıtyn», - dedi Ádilhan.