Depozıtterge kepildik berý qory eń joǵary mólsherlemeni ulǵaıtady
12:50, 25 Aqpan 2022
NUR-SULTAN. QazAqparat - QR Ulttyq banki bazalyq mólsherlemesi ulǵaıǵan soń, Qazaqstannyń depozıtterge kepildik berý qory (QDKBQ, Qor) artynsha qysqa merzimdi depozıtter boıynsha 2022 jyldyń aqpan jáne naýryz aılaryna usynylatyn eń joǵary mólsherlemeni arttyrdy, dep habarlaıdy QazAqparat qor saıtyna silteme jasap.
«Odan basqa, teńgelik uzaq merzimdi salymdardyń tartymdylyǵyn qoldaý maqsatynda 12 aılyq merzimdi depozıtter boıynsha 2022 jyldyń aqpan jáne naýryz aılaryna usynylatyn eń joǵary mólsherlemeler jáne 12 aılyq jınaq depozıtteri boıynsha 2022 jyldyń naýryz aıyna usynylatyn maksımaldy mólsherlemeler ulǵaıtyldy», - delingen habarlamada.
Ózgerister 2022 jyldyń 24 aqpanynan bastap qoldanysqa engiziledi jáne osy kúnnen bastap, bankter óziniń depozıttik ónimderi boıynsha syıaqy mólsherlemelerin qaıta qaraýǵa quqyly.
Depozıtter boıynsha mólsherlemeler 2022 jyldyń 24 aqpanynan bastap engiziledi.