Depozıtter boıynsha jeltoqsan aıyna syıaqy mólsherlemesi bekitildi

ALMATY. QazAqparat – Qazaqstannyń depozıtterge kepildik berý qory 2021 jyldyń jeltoqsan aıyna teńgelik depozıtter boıynsha eń joǵary usynylatyn syıaqy mólsherlemesin bekitti. Bul týraly QazAqparat qordyń baspasóz qyzmetine silteme jasap habarlaıdy.

Qarasha jáne jeltoqsan aılaryna 3 jáne 6 aıǵa merzimdi, sondaı-aq jınaq salymdary boıynsha maksımaldy mólsherleme azdap ulǵaıdy.

12 aıǵa ashylǵan jınaq depozıtteri boıynsha maksımaldy mólsherleme naryqtyq mólsherlemelerdiń ósýine baılanysty jeltoqsan aıynda 0,1 paıyzdy tarmaqqa ulǵaıyp, tolyqtyrý quqyǵy bar depozıtter boıynsha 12,7%, tolyqtyrý quqyǵy joq depozıtter boıynsha 13,9% boldy.

Osylaısha osyndaı depozıtter boıynsha mólsherlemeler depozıtterdiń basqa túrleri arasynda eń joǵary deńgeıde qaldy.