Depozıtter boıynsha tamyzdaǵy syıaqy mólsherlemesi bekitildi
11:24, 01 Shilde 2021
ALMATY. QazAqparat – Qazaqstannyń depozıtterge kepildik berý qory teńgelik depozıtter boıynsha 2021 jyldyń tamyz aıyna usynylǵan eń joǵary syıaqy mólsherlemelerin bekitti, dep habarlaıdy QazAqparat tilshisi.
Qysqa merzimdi teńgelik depozıtter boıynsha maksımaldy mólsherlemelerdiń kólemi Ulttyq banktiń bazalyq mólsherlemesine tikeleı táýeldi. Al 2021 jyldyń tamyzyna bazalyq mólsherleme 9,0% deńgeıinde saqtaldy.
12 jáne 24 aılyq merzimdi depozıtter naryǵynda qandaı da bir belsendilik bolmaǵandyqtan, olar boıynsha eń joǵary mólsherlemeler de burynǵy deńgeıinde saqtaldy.
Jınaq salymdary boıynsha 12 aıdaǵy eń joǵarǵy mólsherlemeniń deńgeıi 13,9% deıin azdap tómendedi.