Depozıtke 10% ótemaqy: Eki mıllıon qazaqstandyq ótinim bergen

ASTANA. QazAqparat – 2 mıllıon qazaqstandyq teńgelik depozıtten ótemaqy alýǵa kelisimin berdi, dep habarlaıdy QazAqparat Qazaqstannyń depozıtterge kepildik berý qoryna silteme jasap.

23 qarashadaǵy jaǵdaı boıynsha tek 2 mıllıon salymshy bankterde ótemaqy alýǵa kelisimin rastaǵan. Bul teńgedegi depozıtterdi qorǵaý baǵdarlamasynyń talaptaryna sáıkes keletin salymshylardyń jalpy sanynyń 39% quraıdy. Negizinen, basym kópshiligi depozıtterinde iri somadaǵy qarajatybar tulǵalar boldy.

Aıta ketsek, ótemaqy 2022 jyldyń 23 aqpanynan 2023 jyldyń 23 aqpanyna deıin depozıtte bolǵan eń tómengi soma boıynsha tólenetin bolady. 10% syıaqy mólsherlemesiniń syrtynda tólenedi. Óteýge bolatyn eń joǵary soma – 20 mıllıon teńge. Ótinishti 2023 jyldyń 1 qańtaryna deıin berýge bolady.

Buǵan deıin, 1,5 mıllıonnan astam salymshy depozıt boıynsha 10 paıyzdyq ótemaqy alýǵa ótinish bildirdi.