Depozıti bar tulǵalar qandaı syıaqy mólsherlemesin alady

ALMATY. QazAqparat - Qazaqstanda depozıtterdiń shektik mólsherleme syıaqysy 1 qazannan bastap qalaı ózgeretini belgili boldy, dep habarlaıdy QazAqparat tilshisi.

Jańa ózgerister týraly QR Ulttyq bankiniń basshysy Danııar Aqyshev aıtyp berdi. Syıaqy mólsherlemesi salymnyń merzimi men túrine, sondaı-aq depozıtti tolyqtyrýdyń múmkindigi men shekteýine, salymnan ishinara nemese tolyqtaı aqsha alýǵa baılanysty bolady.

«Bankter depozıt stavkalaryn ózderi qoıýǵa quqyly. Salymshylar ótimdilik pen tabystylyqtyń ártúrli deńgeıi bar 3 depozıttik deńgeıge qol jetkize alady. Salymshy jınaq qoryn ashyp, merzim aıaqtalǵansha aqshany qaıtaryp almasa, kepildemeniń eń joǵary somasy 15 mıllıon teńgege nemese odan joǵary qarajatqa ıe bolady. Atalǵan soma shuǵyl jáne merzimdi depozıtterden joǵary. Salymdardyń basqa túrlerin jedel qaıtaryp alýǵa múmkindik bar. Aldyn ala eń tómen mólsherleme belgilenedi. Kepildendirý somasynyń tómengi deńgeıi 10 mln teńge bolady. Qolǵa alynǵan joba tek teńge baǵamyndaǵy salymdarǵa ǵana qatysty», - deıdi Danııar Aqyshev. 

Tolyqtyrýǵa bolmaıtyn depozıtter boıynsha eń joǵarǵy jyldyq tıimdi mólsherleme - 10,5 % tólenedi. Shuǵyl salymdardy 3 aıǵa deıin tolyqtyrýǵa bolmaıdy. Bul depozıtter boıynsha 11% syıaqy tólenedi.