Densaýlyq jáne Eńbek mınıstrlikteriniń aqparattyq júıesin biriktirý kerek - Ulttyq keńes
«Kelesi mańyzdy másele – múmkindigi shekteýli adamdarǵa barynsha qolaıly jaǵdaı jasaý. Eń aldymen, barlyq sanattaǵy múgedektikti anyqtaý rásimderin túbegeıli jeńildetý kerek. Qazir kútimge muqtaj adamdardyń ózine tıesili áleýmettik qyzmetterdi paıdalanýy óte qıyn. Olar onsyz da belgili nárseni dáleldeý úshin túrli keńseniń tabaldyryǵyn tozdyrýǵa májbúr. Tsıfrlyq tehnologııalar men avtomattandyrý dáýirinde mundaıǵa jol berýge bolmaıdy», - dedi Qazaqstan Prezıdenti.
Sondyqtan Memleket basshysy jumys tásilin dereý ózgertý qajet
«Biryńǵaı aqparattyq qor (baza) quryp, jurtqa yńǵaıly ári jumys isteýge ońtaıly júıeni nege jasamasqa? Densaýlyq saqtaý mınıstrligi men Eńbek jáne halyqty áleýmettik qorǵaý mınıstrliginiń aqparattyq júıelerin biriktirý kerek. Bul jumysty jedeldetý qajet. Azamattar ózderine qajetti qyzmettiń barlyǵyn bir ǵana medıtsınalyq mekemeden alýǵa tıis. Osy jobany bıylǵy 1 shildeden bastap synaq retinde, al 2022 jylǵy 1 qańtardan bastap tolyqqandy júzege asyrýdy tapsyramyn», - dedi Qazaqstan Prezıdenti.
Eske salsaq, Ulttyq keńestiń besinshi otyrysy ótip jatyr. Ulttyq qoǵamdyq senim keńesi quramynda rotatsııa jasaldy. Jańartylǵan Májilis quramynda Ulttyq keńestiń 9 múshesi bar. _Ótken jyly 22 qazanda QR Prezıdenti Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy, al 2019 jyly 6 qyrkúıekte alǵashqy otyrysy boldy.