Densaýlyq saqtaý mınıstrligi eldegi birqatar qoǵamdyq uıymdarmen kelisimge otyrmaq

ASTANA. 28 maýsym. QazAqparat - Erteń QR Densaýlyq saqtaý mınıstrliginde vedomstvo basshysy Salıdat Qaıyrbekova eldegi birqatar qoǵamdyq uıymdar men birlestikter arasynda ózara árekettestik týraly memorandýmqa qol qoıady.  

Memorandým aıasynda QR Densaýlyq saqtaý mınıstrligi, «Qazaqstannyń tutynýshylar lıgasy» qaýymdastyǵy» zańdy tulǵalar birlestigi, «Ulttyq densaýlyq saqtaý palatasy» jeke kásipkerlerdiń jáne zańdy tulǵalardyń qaýymdastyǵy jáne «Astana qalasynyń táýelsiz sarapshylary qaýymdastyǵy» qoǵamdyq birlestigi ózara shart jasaspaq.

Onyń basty maqsaty - Memleket basshysynyń tutynýshylardyń múddelerin jáne quqyqtaryn qorǵaý jónindegi tapsyrmasyn iske asyrý.

«Memorandým taraptardyń densaýlyq saqtaý salasyn jetildirýge, onyń ishinde patsıent dárigerdi jáne medıtsınalyq uıymdy erkin jáne teń tańdaýyna, kórsetiletin medıtsınalyq qyzmetterdiń sapaly bolýyn,  medıtsınalyq qyzmet kórsetý keńistiginde básekelestikti qalyptastyrýyna septigin tıgizýge baǵyttalǵan», - delingen vedomstvo habarlamasynda.