Densaýlyq saqtaý mınıstrligi dári-dármek qobdıshasynyń quramyn jańartty
«Túrkııa, Germanııa, AQSh, Ońtústik Koreıa jáne basqa elderdiń halyqaralyq tájirıbesin taldaýdy eskere otyryp, dári-dármek qobdıshasynyń quramyna mynalar kiredi: dáke tańǵyshtar, elastıkalyq bıntter, tańǵysh paket, medıtsınalyq bulasyr, doǵal qaıshy, metall, ókpeni jasandy jeldetýge arnalǵan qalta maskasy, tańýǵa arnalǵan bandaj, qutqarý kórpesi, bir rettik muz paketi, ysqyryq, sham, dári-dármek qobdıshasyna arnalǵan fýtlıar, bloknot, qaryndash, dymqyl maılyqtar, qolǵaptar, shendeýishter jáne zardap shekken adamǵa medıtsınalyq alǵashqy kómek kórsetý boıynsha paıdalaný jónindegi usynymdar», - dep jazylǵan mınıstrlik habarlamasynda.
Dári-dármek qobdıshasy jeke qajettilikter men suranymdarǵa sáıkes paıdalanýshynyń qalaýynsha tolyqtyrylady.
Ónerkásiptik obektilerde dári-dármek qobdıshasynyń quramy qoldaný jónindegi nusqaýlyqpen qosa, zııandy nemese qaýipti óndiristik faktorlarǵa baılanysty jaraqatty shuǵyl óńdeýge arnalǵan quraldarmen (antıdottarmen) tolyqtyrylady.
Dári-dármek qobdıshasynyń jańa quramy QR Densaýlyq saqtaý mınıstriniń 2023 jylǵy 10 shildedegi buıryǵymen bekitilgen.