Densaýlyq saqtaý mınıstri sala mamandaryn kásibı merekemen quttyqtady
Vedomstvo basshysy densaýlyq saqtaý salasynyń mańyzdy jetistikteriniń arasynda qazaqstandyqtardyń ortasha ómir súrý uzaqtyǵy artqanyn atap ótti, bul tarıhta alǵash ret 74,4 jasty qurady.
«Memleket basshysynyń qoldaýymen ulttyq joba iske asyrylýda, 600-den astam medıtsınalyq nysan salynýda, kadrlar daıarlanýda jáne zamanaýı tehnologııalar engizilip jatyr. Bul, árıne, aýyldy damytýǵa jáne jandandyrýǵa zor úles qosatyny sózsiz», - dedi Ajar Ǵınııat.
Mınıstr aýyldaǵy medıtsına qyzmetkerleriniń úlken eńbegin erekshe atap ótti, sondaı-aq ambýlatorııalyq-emhanalyq júıedegi áriptesterdiń mańyzdy rólin atap ótti. Olardyń kúndelikti qajyrly eńbeginiń arqasynda halyq dári-dármekpen qamtamasyz etiledi, profılaktıkalyq tekserýler júrgiziledi, patsıentter odan ári emdeý úshin qajetti konsýltatsııalar men qoldaý alady.
A. Ǵınııat myńdaǵan bala men ananyń ómirin saqtap qalǵan ana men bala densaýlyǵyn saqtaý qyzmetiniń jumysyna joǵary baǵa berdi.
«Búgin biz, qurmetti áriptester, Memleket basshysynyń maqsattaryn iske asyrýǵa jáne azamattarymyzdyń ómiri jaqsy, sapaly jáne uzaq bolýy úshin tikeleı jaýaptymyz.
Dáriger nemese densaýlyq saqtaý mamany bolý – maqtanysh pen abyroı! Halqymyzdyń, elimizdiń maqtanyshy bolaıyq!
Halyqtyń densaýlyǵyn saqtaýǵa qosqan baǵa jetpes úlesi úshin barlyq medıtsına qyzmetkerleri men sala ardagerlerine shyn júrekten alǵys bildiremin», - dedi DSM basshysy.