Densaýlyq saqtaý mınıstri óńir ákimdikterinen aýrýhanalardy medıtsınalyq ottegimen qamtýdy surady
11:34, 14 Shilde 2020
NUR-SULTAN. QazAqparat – Densaýlyq saqtaý mınıstri Alekseı Tsoı óńir ákimdikterinen aýrýhanalardy medıtsınalyq ottegimen qamtýdy surady, dep habarlaıdy QazAqparat tilshisi.
«Boljamǵa sáıkes 8 487 tósek oryn nemese daıyndalǵan jalpy tósek oryndarynyń 20 paıyzy – oksıgenoterapııamen qamtylýy kerek. Qazirgi ýaqytta barlyq óńirde ottegi men ottegi kontsentratyn shyǵaratyn jergilikti óndirýshiler bar. Osyǵan baılanysty óńir ákimdikterine jańadan daıyndalǵan tósek oryndardy medıtsınalyq ottegimen qamtamasyz etýdi suraımyn», - dedi Alekseı Tsoı Úkimettiń otyrysynda.
Eske sala ketsek, buǵan deıin Alekseı Tsoı Qazaqstan ókpeni jasandy jeldetýdiń 4 myńnan astam apparatyn satyp alǵan jaǵdaıda eń qıyn stsenarııdiń ózine daıyn bolatynyn málim etken edi.