Densaýlyq saqtaý mınıstri karantındi saqtamaıtyndarǵa ýaqtyly shara qabyldaýdy usyndy

ALMATY. QazAqparat - Densaýlyq saqtaý mınıstri Alekseı Tsoı karantın sharalaryn saqtamaıtyndarǵa ýaqtyly shara qabyldaý jumysynyń tıimdiligin arttyrýǵa nazar aýdardy, dep habarlaıdy Qazaqparat vedomstvonyń baspasóz qyzmetine silteme jasap.

Mınıstr sondaı-aq monıtorıng toptary jumysynyń tıimdiligin arttyrýdy talap etti.

«Aldaǵy ýaqytta kelip túsetin vaktsına kóleminiń ulǵaıýyn eskere otyryp, vaktsınatsııalaýǵa arnalǵan kontıngentti jáne vaktsınatsııa pýnktteriniń jetkiliksizdigin boldyrmaý, kóshpeli egý brıgadalaryn uıymdastyrý úshin tońazytqysh jabdyǵymen qamtamasyz etýdi baqylaý talap etiledi.
Sońǵy eki aptada Almatyda epıdemıologııalyq ahýaldyń nasharlaýy baıqaldy, naýqastanýshylardyń sany 2,7 esege ósti. Sonymen qatar, jaǵdaıy aýyr naýqastardyń eń kóp úlesi alǵashqy táýlikte tirkeldi, bul alǵashqy medıtsınalyq-sanıtarlyq kómek kórsetetin uıymdardyń deńgeıindegi jumystyń jetkiliksizdigin kórsetedi».

Eske sala ketsek, Densaýlyq saqtaý mınıstri Alekseı Tsoı Almatyda sanepıdbaqylaý, medfarmbaqylaý aýmaqtyq departamentteri mamandarynyń qatysýymen KVI-men kúres jónindegi shtabtyń kóshpeli otyrysyn ótkizdi.