Densaýlyq mınıstrliginiń burynǵy qyzmetkerlerine qatysty tergeýge kedergi keltirilmek bolǵan - komıtet
15:41, 29 Jeltoqsan 2020
NUR-SULTAN. QazAqparat - Densaýlyq saqtaý mınıstrliginiń burynǵy laýazymdy jáne basqa tulǵalaryna qatysty tergeýge kedergi keltirý faktisi boıynsha sotqa deıingi tergeýdi júrgizilip jatyr, dep habarlaıdy QazAqparat Qarjy monıtorıngi komıtetiniń Baspasóz qyzmetine silteme jasap.
Komıteti 23 jeltoqsanda Densaýlyq saqtaý mınıstrliginiń laýazymdy jáne basqa tulǵalaryna qatysty tergeýge kedergi keltirý faktisi boıynsha Qylmystyq kodekstiń 407-baby 3-bólimine sáıkes sotqa deıingi tergeýdi bastady.
«Bul tulǵalar qylmystyq protsestiń qatysýshylary emes, QR Densaýlyq saqtaý mınıstrliginiń eks-basshylaryna qatysty qylmystyq is boıynsha tergeýdiń barysy men nátıjeleri týraly shyndyqqa sáıkes kelmeıtin aqparatty zańsyz jınaqtaý, berý jáne jarııalaý arqyly tergeýge kedergi keltirgen», delingen habarlamada.
Vedomstvonyń málimdeýinshe, QR Qylmystyq-protsessýaldyq kodeksiniń 201-babynyń 1-bólimine sáıkes sotqa deıingi tergep-tekserý barysy týraly ózge aqparat jarııalanbaıdy.