Densaýlyq mınıstrligi medıtsınalyq kostıýmderdi satyp alý faktisi boıynsha tekserý júrgizýde

NUR-SULTAN. QazAqparat – QR Densaýlyq saqtaý mınıstrligi dárigerlerge qurylysqa arnalǵan qorǵanys kostıýmderin satyp alý faktisi boıynsha tekserý júrgizýde. Bul týraly QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhaty barysynda jýrnalıster vıtse-mınıstrge Almaty qalasynda dárigerlerge satyp alynǵan jeke qorǵanys zattaryna qatysty daýǵa baılanysty saýal qoıǵan bolatyn. Este bolsa, Almaty qalasy sanıtarııalyq-epıdemıologııalyq baqylaý departamentiniń bastyǵy Jandarbek Bekshın 90 mln teńge satyp alynǵan jeke qorǵanys zattarynyń sapasyn ekendigin aıtqan edi.

«Bul oqıǵaǵa qatysty jeke tekserý júrgizemiz. Al jalpy jeke qorǵanys zattary tóńiregindegi jaǵdaıǵa qatysty aıtar bolsam, bizdiń bastamamyzben atalǵan materıaldar sot satysyna berilgenin bilesizder. Buǵan qosa, Densaýlyq saqtaý mınıstrligi tarapynan Sybaılas jemqorlyqpen kúres agenttiginiń aýmaqtyq basqarmasyna tıisti hat jóneltildi. Qazirgi ýaqytta bul máselege qatysty qabyldanǵan sot sheshimi ókinishke oraı departament paıdasyna berilmedi. Búginde atalǵan sheshimge daýlasý jumysy júrgizilip jatyr. Sottyń sońǵy sheshimi qabyldanǵanan keıin sol sheshimge baılanysty tıisti is-sharalar qabyldanatyn bolady», - dedi Erlan Qııasov.