Densaýlyq mınıstrligi koronavırýs statıstıkasyna túsinikteme berdi
QR Densaýlyq saqtaý mınıstrligi 2021 jyldyń mamyr aıynyń basynda Strategııalyq josparlaý jáne reformalar jónindegi Agenttiktiń Ulttyq statıstıka bıýrosy (SJjRJA USB) memlekettik organdardyń aqparattyq júıelerinen (QR DSM, QR ÁM, SJjRJA USB) úsh derekkózdiń derekteri negizinde qalyptastyrǵan 2020 jylǵa arnalǵan KVI-dan bolatyn ólim-jitim boıynsha túpkilikti resmı derekterdi jarııalady. Jyl saıyn statıstıkalyq jumystardyń bekitilgen josparyna sáıkes ótken jyl boıynsha atalǵan rásim aǵymdaǵy jyldyń sáýir aıynyń sońynda aıaqtalady.
Sondaı-aq, aǵymdaǵy jyldyń 4 aıynda jáne sońǵy táýlikte KVI-den syrqattanýshylyq jáne ólim-jitim boıynsha Mınıstrliktiń jedel derekteri jeke kórsetildi.
Sonymen qatar, DDU KVI-di tirkeýdiń alǵashqy kúnderinen bastap aǵymdaǵy kúnge deıin tirkelgen jaǵdaılardyń sany boıynsha statıstıkalyq derekterdi jarııalaýdy usynady.
Osyǵan baılanysty, Mınıstrlik 2020 jylǵy 13 naýryzdan bastap ósý boıynsha syrqattanýshylyq jáne ólim-jitim kórsetkishterin kórsete otyryp jáne 2020 jylǵy KVI ólim-jitimi boıynsha túpkilikti derekterdi eskere otyryp, QR DSM resmı resýrsynda KVI syrqattanýshylyq jáne ólim-jitim boıynsha aqparatty usynýdyń burynǵy formatyna oraldy.
Anyqtama: SJjRJA USB derekteri boıynsha 2020 jyldyń qorytyndysy boıynsha KVI-den qaıtys bolǵandar sany 4 729 adamdy qurady, onyń ishinde«+» KVI-den - 1 783, «-» KVI-den - 2 946.
Mınıstrliktiń jedel derekteri boıynsha 2021 jylǵy 4 aıda jáne 2021 jylǵy mamyrdyń 20 kúninde KVI-den qaıtys bolǵandar sany 2 373 adamdy qurady, onyń ishinde «+» KVI-den - 1 984, «-» KVI-den - 389.