Densaýlyq mınıstri koronavırýs juqtyrýshylardyń kúrt ósý sebebin atady

NUR-SULTAN. QazAqparat – Densaýlyq saqtaý mınıstri Alektseı Tsoı Qazaqstanda koronavırýs ınfektsııasyn juqtyrýshylardyń kúrt ósý sebebin túsindirdi, dep habarlaıdy QazAqparat tilshisi.

«Kúrt ósýdiń sebebi mynada: Birinshi kezekte aqparattyq alańda «bizden koronavırýs ınfektsııasy kóship ketti» degen áńgime aýanynan senip qaldyq. Uzaq karantın sharalarynan keıin halyq bosańsyp ketti. Jaıly aýa raıy, jaz... Karantınnen keıingi ýaqytty adamdar qýana qarsy aldy», - deıdi Alekseı Tsoı «24 kz» arnasyna bergen suhbatynda.

Mınıstrdiń aıtýynsha, qazaqstandyqtar kópshilik oryndarda maska kımeı, qaýipsizdikti saqtamaǵan

«Naqty aıtatyn dúnıe vırýspen biz áli uzaq kúresetin bolamyz. Bári de ózimizge, áleýmettik qashyqtyqty saqtaýymyzǵa baılanysty. Shyntýaıtynda maska kııý bizdiń ómirimizdiń saltyna aınalýy kerek. Úlken kompanııalarda júrip, qashyqtyqty saqtaý kerektigin umytyp ketken sekildimiz. Jalpy bosańsý, belsendilik, adamdardyń bir-birin jaqyn aralasa ketýi – vırýstyń odan ary keń taralýyna jol ashty», - deıdi mınıstr.