Densaýlyq saqtaý vıtse-mınıstri Aqtaýdaǵy tamaqtan ýlanǵan oqýshylardyń jaǵdaıymen tanysty

<p>AQTAÝ. KAZINFORM &ndash; Mańǵystaý oblysyna &nbsp;QR Densaýlyq saqtaý vıtse-mınıstri Erjan Nurlybaev jáne Astana medıtsınalyq ýnıversıtetiniń dárigerleri keldi. Olar oblystyq balalar juqpaly aýrýlar aýrýhanasyna baryp, tamaqtan ýlanǵan oqýshylardyń jaǵdaıymen tanysyp, qabyldaý bólimindegi mamandarynyń jumysyn kórdi.</p>

Vıtse-mınıstri Erjan Shákiruly balalardyń densaýlyǵy jaqsaryp, tez qalpyna kelýi úshin sapaly medıtsınalyq kómek kórsetýdi tapsyryp, jaǵdaıdyń baqylaýda ekenin jetkizdi.

Foto: Mańǵystaý oblystyq qoǵamdyq kommýnıkatsııa ortalyǵynan

Mańǵystaý oblystyq balalar kópbeıindi aýrýhanasynyń dırektory Gúljan Ermekbaevanyń aıtýynsha, jaǵdaı turaqtalyp keledi. 

– Dári-dármek qory men tósek-oryn jetkilikti. Medıtsınalyq qyzmetkerler epıdemıologııalyq jaǵdaıǵa baılanysty túngi kezekshilikpen jumys isteýde. Qabyldaý bólimine kelip jatqan balalardyń sany da azaıyp keledi. Búgin 15 shaqty bala úılerine shyǵarylýy múmkin, - deıdi Gúljan Ermekbaeva. 

Eske salaıyq, Mańǵystaýda Munaıly aýdanynda bir mekteptiń 500-ge jýyq oqýshysy astan ýlanyp qaldy. Olardyń barlyǵy da mektep ashanasynda tegin ystyq tamaq ishkennen keıin aýyrǵan. Osy oqıǵadan keıin búkil el boıynsha mektepterdiń ashanasy tekseriletin boldy.