Densaýlyq saqtaý mınıstrligi stýdentterdi aqyly oqýǵa qabyldaýǵa kvota engizbek

<p>ASTANA. KAZINFORM &ndash; Qazirgi ýaqytta medıtsınalyq bilim berý salasyndaǵy anaǵurlym ózekti máselelerdiń biri medıtsınalyq joǵary oqý oryndarynda bilim alýshy stýdentter sanynyń shamadan tys kóp bolýy. Densaýlyq saqtaý mınıstrligi basshylyǵy bul faktor bilim berý resýrstarynyń úlken júktemesi jáne bilim berý sapasynyń tómendeýine áser etetinin alǵa tartyp otyr.</p>

«Aqyly negizde bilim alatyn stýdentterdi shamadan tys qabyldaý bilim berý ortasyna da, oqytýshylar quramyna da, eń bastysy bolashaq medıtsına mamandaryn daıarlaý sapasyna da áser etedi. Bul faktor qoǵamnyń medıtsınanyń bilim berýine degen senimin tómendetýde jáne densaýlyq saqtaý júıesi úlken synǵa túsýde», - delingen mınıstrliktiń málimdemesinde.

Osyǵan baılanysty QR Densaýlyq saqtaý mınıstrligi bilim berý sanyn emes, sapasyn arttyrý maqsatynda stýdentterdi aqyly oqýǵa qabyldaýǵa kvota engizý máselesin qarastyryp jatyr. Bul másele búgin mınıstrlik basshylyǵynyń, vedomstvolyq baǵynysty uıymdardyń jáne qoǵamdyq keńes músheleriniń qatysýymen ótken vedomstvo alqasynyń otyrysynda talqylandy.

Medıtsınalyq bilim berý baǵdarlamasy demografııalyq protsesterdi jáne damýshy densaýlyq saqtaý júıesiniń naqty qajettilikterin eskere otyryp, aldaǵy 10 jylda qalyptastyrylmaq.