Densaýlyq saqtaý mınıstri koronavırýs týraly: daıyndyqsyz otyra almaımyz

<p>ASTANA. KAZINFORM &ndash; Densaýlyq saqtaý mınıstri Aqmaral Álnazarova Parlament palatalarynyń birlesken otyrysynan keıin BAQ ókilderiniń suraǵyna bergen jaýabynda eldegi epıdemıologııalyq ahýal týraly pikir bildirdi. &nbsp;</p>

«Medıtsınalyq ortalyqtar men klınıkalardyń koronavırýstyń jańa tolqynyna daıyndalyp jatqany ras pa?» - dep surady jýrnalıst.

Mınıstr jyl basynan beri bul ınfektsııadan adam ólimi tirkelmegenin aıtty.

«Koronavırýs ınfektsııasymen baılanysty búgingi ahýal týraly aıtsaq, ulttyq ortalyqtyń boljamdary byltyrǵymen salystyrǵanda nasharlaý bolmaıtynyn aıtyp otyr. Búgingi saǵat 9.00-degi málimet boıynsha, toǵyz adam koronavırýs ınfektsııasymen aýrýhanaǵa jatqyzyldy. Jyl basynan beri qaıǵyly jaıtpen aıaqtalǵan bir de jaǵdaı tirkelgen joq», - dedi ol.

Degenmen, mınıstr arqany keńge salýǵa bolmaıtynyn aıtty.

«Iá, aýyrǵandar tirkelip jatyr. Biraq jalpy jaǵdaı qalypty normanyń shamasynda. Biraq, daıyndyqsyz otyra almaımyz. Sondyqtan Densaýlyq saqtaý mınıstrligi óz tarapynan, Bas sanıtar dáriger tıisti sharalar qabyldady. Biz medıtsına uıymdarynyń qyzmetkerleriniń arasynda kúsheıtilgen maska rejımin engizdik. Óıtkeni birinshi kezekte medıtsınalyq qyzmetkerlerdiń ózin qorǵaýymyz kerek», - dedi Aqmaral Álnazarova.