Denıs Tenniń stsenarııi boıynsha túsirilgen fılm prokatqa shyǵady

ALMATY. QazAqparat – Rejısser Tımýr Bekmambetovtiń qaza bolǵan mánerlep syrǵanaýshy Denıs Tenniń stsenarııi boıynsha túsirgen fılmi prokatqa daıyn. Bul týraly Ulttyq kınony qoldaý memlekettik ortalyǵy basqarmasynyń tóraıymy Gúlnár Sársenova aıtty, dep habarlaıdy QazAqparat tilshisi.

«Soqyr mahabbat» fılmi ekranǵa shyǵýǵa daıyn. Bul týyndyny Denıstiń anasy men Tımýr Bekmambetov bastaǵan bizdiń qazaqstandyq kompanııa túsirdi. Biz de kómektestik. Qazirgi ýaqytta ony prokatqa shyǵarý joldaryn qarstyryp jatyrmyz. Óıtkeni, Tımýr Bekmambetov oılap tapqan forma óte erekshe. Basynda 25 mınýt Denıs Tenniń stsenarııi boıynsha Tımýr Bekmambetov túsirgen qysqametrajdy fılm kórsetiledi, keıin Denısti eske alýǵa arnalǵan týyndy jalǵastyrady», - dedi Ulttyq kınony qoldaý memlekettik ortalyǵynyń basshysy Gúlnár Sársenova.

Sonymen qatar, kartınany basqa elderde kórsetý josparda.

«Qazir bul fılmdi búkil Qazaqstanǵa kórsetýdi josparlap otyrmyz. Keıin Denıs Tendi tanıtyn elderge de shyǵaramyz», - dedi ol.

Buǵan deıin, kınorejısser Tımýr Bekmambetov Denıs Tenniń stsenarııi boıynsha «Soqyr mahabbat» fılmi AQSh-ta aǵylshyn tilinde túsiriletinin habarlaǵan bolatyn.