Denıs Tenniń ólimi: Qylmystyq is qozǵalyp, kúdiktiler izdestirilýde

ALMATY. QazAqparat - Almaty qalalyq ІІD belgili sportshy Denıs Tenniń ólimine qatysty baspasóz brıfıngin ótkizdi, dep habarlaıdy QazAqparat tilshisi.

Qaıǵyly oqıǵa Qurmanǵazy Baıseıitova kósheleriniń qıylysynda túski saǵat 15:00 shamasynda bolǵan. Sportshy kóliginiń aınasyn urlap bara jatqan eki adamnyń ústinen túsken. Eki arada bastalǵan janjaldyń nátıjesinde álgi adamdar Denıs Tendi pyshaqtap ketken. Sportshy oń jaq sanynyń joǵarǵy tusynan jaraqat alǵan

«Atalǵan derek boıynsha sotqa deıingi biryńǵaı tergeý reestrine QR QK 106-babymen (adam densaýlyǵyna qasaqana aýyr dárejede zııan keltirý) tirkelse, endi ol QR QK 99-babynyń 2-bólimine (adam óltirý) aýystyryldy. Kúdiktilerdi anyqtaý boıynsha jumys atqarylyp jatyr», - dedi qalalyq ІІD baspasóz qyzmetine.

Atap ótilgendeı, tergeý jumystaryna Іshki ister departamentiniń barlyq quramy jumyldyryldy.

Eske sala keteıik, Denıs Ten saǵat úshte pyshaq jaraqatyn alyp, Almatydaǵy ortalyq aýrýhanaǵa túsken. Oqys oqıǵa Qurmanǵazy-Baıseıitova kósheleriniń qıylysynda bolǵan.

Almaty ІІD bergen málimetterge qaraǵanda, sportshy kóliginiń aınasyn urlap bara jatqan eki adamnyń ústinen túsken. Eki arada bastalǵan janjaldyń nátıjesinde álgi adamdar Denıs Tendi pyshaqtap ketken. 

Ókinishke qaraı, 17:30-da Tenıs Ten qaıtys boldy.