Denıs Tenmen qoshtasý rásimine kásipqoı boksshy Gennadıı Golovkın de keldi
10:51, 21 Shilde 2018
ALMATY. QazAqparat - Áıgili mánerlep syrǵanaýshy Denıs Tenmen qoshtasý rásimine Los-Andjelesten arnaıy belgili qazaqstandyq kásipqoı boksshy Gennadıı Golovkın de keldi, dep habarlaıdy QazAqparat.
Gennadıı Golovkın osy shara úshin Saýl Alvarespen bolatyn kezdesýine daıyndyqty tastap shyqqan.
Aıta keteıik, dańqty sportshymen qoshtasý rásimi Balýan Sholaq atyndaǵy sport saraıynda ótip jatyr. Osy ýaqytta saraı Denıspen qoshtasýǵa kelgen adamdarǵa lyq toly.
Qazaqstandyq sportshy Denıs Ten 19 shilde kúni pyshaqtan alǵan jaraqattan qaıtys boldy. Sportshy kóliginiń aınasyn urlamaq bolǵan eki adamnyń qylmysynyń ústinen túsken. Arada bastalǵan janjaldyń saldarynan urylar Denıs Tenge pyshaq suǵyp alǵan.