Denıs Tendi jattyqtyrǵan áıgili bapker ómirden ótti

<p>ASTANA. KAZINFORM &mdash; Keshe 85 jasynda álemge tanymal amerıkalyq mánerlep syrǵanaýshy tálimger Frenk Kerrol kóz jumdy. Bir kezderi ol otandasymyz Denıs Tendi jattyqtyryp, tájirıbesin bólisken bolatyn.&nbsp;</p>

Álemdik deńgeıdegi mánerlep syrǵanaý sheberi uzaq jylǵy jattyqtyrýshylyq mansabynda onnan astam kásibı sportshylardy daıyndap, olar óz eliniń abyroıyn asqaqtata bildi.

Atap aıtsaq, Kerrol Olımpıada jáne álem chempıony Evan Lısachek, bes dúrkin álem chempıony Mıshel Kvan jáne eki dúrkin álem chempıony Lında Fratıannany jattyqtyrǵan.

Talantty shákirtterdiń qatarynda qazaqstandyq Denıs Ten, Tımatı Geıbl, Greısı Gold jáne basqa da sportshylar bar. 

«Amerıka mánerlep syrǵanaý sporty ańyzǵa aınalǵan jattyqtyrýshy Frenk Kerroldyń qaıtys bolýyna baılanysty qaıǵy jamyldy. Ol kóptegen olımpıada jáne álem chempıondaryn, sondaı-aq kóptegen Dańq zalynyń múshelerin tárbıelep shyǵardy» delingen AQSh mánerlep syrǵanaý federatsııasynyń málimdemesinde. 

Frenk Kerrol alty jyl buryn bapkerlikpen qosh aıtysqan.

Ol ómiriniń 60 jylǵa jýyq ýaqytyn joǵary sanatty mánerlep syrǵanaýshylardy daıyndaýǵa arnady.