Denıs Ten men Dımash Qudaıbergen birlesken baǵdarlama ázirlep jatyr

ASTANA.QazAqparat - Qazaqstandyq mánerlep syrǵanaýshy Denıs Ten Astana turǵyndary men qala qonaqtary úshin álemdik deńgeıdegi sportshylardyń qatysýymen aıryqsha shoý ázirleýde. Bul týraly búgin sportshynyń qatysýymen ótken baspasóz máslıhatynda aıtyldy. dep habarlaıdy QazAqparat tilshisi.

«Denıs Ten jáne onyń dostary» muzdy shoýyna mánerlep syrǵanaýdan sport juldyzdary Karolına Kostner, Elena Radıonova, Brýno Masso, Alena Savchenko, ıAn Han jáne taǵy basqa barlyq sany 17 adam qatysady. Shoýdyń qoıýshy rejısseri - kanadalyq Sheı-Lın Býrn, mýzykalyq súıemeldeýshi -qazaq ulttyq-sımfonıkalyq orkestri.

«Muzdy shoýda jańa qoıylymdar, aıryqsha dekoratsııa, ádemi kostıýmder, qaıtalanbas kontent jáne basqa da kóptegen tosynsyılar bolady, sondyqtan burynǵy shoýlardan úlken aıyrmashylyǵy bar. Jáne de Astananyń 20 jyldyǵyna oraı arnaıy ulttyq baǵdarlama ázirledik. Odan bólek biz Dımash Qudaıbergenmen birigip baǵdarlama ázirlep jatyrmyz, sondyqtan «Denıs Ten jáne onyń dostary» Qazaqstandaǵy qaıtalanbas muzdy shoý deýge bolady», - dep atap ótti Sochı Olımpıadasynyń júldegeri Denıs Ten.

«Denıs Ten jáne onyń dostary» shoýy alǵash ret 2014 jyly bolyp, mánerlep syrǵanaý sportynyń jankúıerleri arasynda úlken qyzyǵýshylyq  týdyrǵan. Bıylǵy shoýdy tamashalaýǵa sportshylardan bólek, Qytaı, Japonııa, Koreıa jáne Eýropa elderinen 100-den asa sheteldik týrıst keledi dep kútilýde. Aıta keteıik, atalǵan shoý QR Mádenıet jáne sport mınıstrligi men Astana qalalyq ákimdiginiń qoldaýymen 9 maýsymda «Barys Arena» muz aıdynynda saǵat 18:00-de bastalady.