Denıs Ten Azııa oıyndarynda júldesiz qaldy

SAPPORO. QazAqparat - Búgin Japonııanyń Sapporo qalasynda qazaqstandyq mánerlep syrǵanaýdyń juldyzy, Sochı olımpıadasynyń qola júldegeri Denıs Ten Azıada-2017 oıyndaryn júldesiz aıaqtady, dep habarlaıdy Sapporodaǵy QazAqparat tilshisi.

Ten búgin erkin baǵdarlamadan bar joǵy 125,90 upaı jınady. Al osydan eki kún buryn ótken qysqa baǵdarlamada 72,98 ball upaı enshilep, toǵyzynshy orynǵa taban tiregen edi. Qossaıystyń qorytyndysy boıynsha 198,88 upaı jınaǵan sportshymyz Azıada oıyndaryn júldesiz aıaqtady.

Eske sala keteıik, Denıs Ten jaqynda ǵana Almatyda ótken 28-qysqy Ýnıversıadanyń chempıony atanǵan bolatyn. Onda qysqa baǵdarlama boıynsha 94,91 upaı nátıjesimen kósh bastap turǵan. Al erkin baǵdarlamada tóreshiler qazaqstandyqqa 172,06 upaı berdi. Eki baǵdarlamanyń qorytyndysy boıynsha, Ten 266,97 upaı jınap, birinshi oryn alǵan edi.